வருடத்திற்கு 2 இலட்சம் ஏப்பமிடும் இங்கிலாந்து முயல்

இங்கிலாந்தில் உள்ள வொர்க்க்ஷையர் மாகாணத்தில் வசித்து வரும் 62 வயதான அன்னெட் எட்வர்ட்ஸ் என்பவர் டேரியஸ் என்ற முயலை தனது செல்லப்பிராணியாக வளர்த்து வருகிறார். உலகிலேயே மிகப்பெரியது என்று கருதப்படும் இந்த முயல் சுமார் 4 அடி 4 அங்குலம் நீளம் கொண்டதாகும். இது உணவாக தினமும் 12 கேரட்டுகளை சாப்பிடுகிறது. அப்படியெனில் இது வருடத்திற்கு சுமார் 4000 கேரட்டுகளை சாப்பிட்டு வருகிறது.

இது குறித்து அதன் உரிமையாளர் கூறுகையில் "டேரியஸை பராமரிப்பதற்கு மட்டும் வருடத்திற்கு 2500 யூரோ செலவாகிறது. இது மிகவும் பேராசை பிடித்தது. சாப்பிடுவதை ஒருபோதும் இது நிறுத்தாது. ஆனாலும் டேரியஸ் ஆரோக்கியமாக உள்ளது" என்று தெரிவித்தார்.

இதற்கான உணவுச் செலவு இந்திய ரூபாய் மதிப்பில் சுமார் 2 லட்சம் இருக்கும். இம்முயல் கின்னஸ் உலக சாதனை புத்தகத்தில் இடம்பெற்றுள்ளது குறிப்பிடத்தக்கது.