இந்தியச் சிறுமியின் கண்டுபிடிப்பு விண்வெளி செல்கிறது

ஐக்கிய அரபு எமிரேட்ஸைச் சேர்ந்த இந்தியப் பெண் பிரேர்னா பாய் தயாரித்த இரண்டு சோதனைகள் விண்ணில் வரும் ஜூன் 26 அன்று ஏவப்படுகிறது. விளையும் இளைய அறிவியலாளர்கள் திட்டம் ஒன்றினை அமெரிக்காவின் நாசா நடத்தி வருகிறது. இதில் கலந்துகொண்ட மாணவர்கள் சமர்ப்பித்த சோதனைகளில் இருந்து 100 சோதனைகளை நாஸா தேர்வுசெய்துள்ளது. இந்த நூறு சோதனைகளில் 75 அமெரிக்க மாணவர்களுடையது. 

மற்றவை உலகின் இதர பகுதி மாணவர்களுடையதாகும். பதினோரு வயதான பிரேர்னா பாய் சார்ஜாவில் உள்ள டில்லி பிரைவேட் பள்ளியில் ஏழாம் வகுப்பில் படித்து வருகிறார். அறிவியலாளராக விரும்பும் பிரேர்னா தொடர்ந்து நாசா மாணவர் திட்டங்களில் பங்கேற்று வருகிறார். கடந்த மே மாதத்தில் "விண்வெளியில் கனசதுரங்கள்" என்ற திட்டத்தை தொடங்கியது. இத்திட்டத்தில் விண்ணில் ஏவக்கூடிய கனசதுரக் கருவிகளை உற்பத்தி செய்யுமாறு உலகெங்கும் உள்ள 11 முதல் 14 வயது வ்ரையிலான மாணவர்களுக்கு அழைப்பு விடுத்திருந்தது. 

பிரேர் "TO STICK OR NOT TO STICK", "TIME AND PRESSURE" ஆகிய இரண்டு முன்மொழிவுகளை அனுப்பியிருந்தார். நாசா அவற்றை தேர்வு செய்தபின் ஒரு பெட்டியை அனுப்பியது. அதற்குள் பிரேர்னா தனது சோதனைகளை வைத்து நாசாவுக்கு அனுப்பி வைத்தார். இதில் காற்று அழுத்தம் இல்லாத விண்வெளியில் பல்வேறு ஒட்டுவான்கள் எவ்வாறு செயற்படும் என்பதை ஆராய்வதற்கு பயன்படும் ஒரு கருவி ஒன்றாகும். 

இரண்டாவதாக ஒரு பிளாஸ்டிக் போத்தலும், ஒரு கண்ணாடி போத்தலும் களிமண் அடைப்பானால் மூடப்பட்டு ஒரு கன சதுரத்தில் வைக்கப்படும். காற்று அழுத்தம் இல்லாத விண்வெளியில் இவை சிதைந்து விடுமா, சேதம் அடையுமா, அனுப்பியது போல் இருக்குமா என்பதைக் கண்டறிய உதவும்.

நிலவின் கதை கூறும் மண்ணியல் ஆய்வு

மனிதனின் மகத்தான கண்டுபிடிப்புகளில் ஒன்று மண், பாறைப் படிமங்கள், எரிமலைக் குழம்பு, ஆகியவற்றைக் கொண்டு கடந்த காலத்தின் வேர்களைக் கண்டறியும் 'மண்ணியல் ஆய்வு'! இவனது மண்ணியல் ஆய்வு பூமியோடு நின்று விடால், நிலவின் மண்ணெடுத்து ஆய்வு செய்து, நிலா எப்படி உருவானது என்பதை கண்டறியும் அளவுக்கு உயர்ந்திருக்கிறது. 

பூமியின் சுற்றுவட்டப்பாதைக்குள் நுழைந்து அதன் மீது மோதிவிடத் துடிக்கும் விண்கற்கள் ஒரு பக்கம் வானில் வலம் வந்து கொண்டிருக்க, சுமார் இரண்டு மில்லியன் ஆண்டுகளுக்கு முன் 'தியா' என்ற கிரகம் பூமி மீது மோதியதால் உருவானதே நிலவு என்றக் கோட்பாட்டை இந்த மண்ணியல் ஆய்வு உறுதி செய்கிறது. பெரு வெடிப்புக்குப் பிறகு பூமி உருவாகிவந்த நேரத்தில் அதன் மீது வேறொரு கிரகம் மோதிய பின்னர் பூமியைச் சுற்றி உருவான துணைக்கோள்தான் நிலவு என்ற இந்த அறிவியல் கோட்பாட்டை இதுவரை யாரும் நம்பத் தயாராக இல்லை. 

காரணம் இந்த அறிவியல் கோட்பாட்டுக்கு ஆதாரம் எதுவும் இதுவரை இல்லை. அமெரிக்க விண்வெளி ஆராய்ச்சியாளர்கள் நிலவுக்குப் பயணம் செய்தபோது அங்கிருந்து பாறைகளில் இருந்து மாதிரி மண்துகள்களை எடுத்துவந்து பரிசோதனை செய்தனர். இந்த ஆய்வில் நிலவுப் பாறைகள் முழுவதும் பூமியிலிருந்து சென்றவைதான் என்றும் அதாவது பூமிப் பாறைகளில் காணப்படும் இரசாயன மூலக்கூறுகளும், தாது உப்புக்களும் அந்த பாறைகள் முழுமையிலும் பரவியிருந்ததை கண்டறிந்திருக்கிறார்கள். 

அதில் ஒன்று ஒட்சிசன் ஐசடோப். இதை கண்டறிந்ததும் மகிழ்ச்சிக் கூத்தாடிய விஞானிகள் மேலும் பல நுண்ணிய ஆய்வுகளை மேற்கொண்டனர். இம்முறை வேறொரு கண்டுபிடிப்பு ஆச்சரியமாக அமைந்தது. பூமிப் பாறைகளின் இரசாயன கூறுகளுக்கு தொடர்பற்ற வெளிக்கிரக சில கனிமத் தோற்றங்களும் நிலவுப் பாறைகளில் தெரிவதாக ஜெர்மனியிலுள்ள கொயெடிங்கென் பல்கலைக்கழக ஆய்வாளர்கள் கண்டறிந்திருப்பதாகக் கூறுகின்றனர். 

பூமிப் பாறைகளுக்கும் நிலவுப் பாறைகளுக்கும் இடையில் சிறு வித்தியாசம் இருப்பதை தாங்கள் கண்டுபிடித்திருக்கின்றனர் என்றும் இரண்டு கிரகங்கள் மோதிக்கொண்ட கோட்பாட்டை ஆதரிப்பதாகவே இந்த கண்டுபிடிப்பு அமைந்துள்ளதென்றும் ஆய்வை வழிநடத்திய பேராசிரியர் டேனியல் ஹெர்வார்ட்ஸ் கூறினார். நிலவுப் பாறைகளில் காணப்படும் ஒட்சிசன் ஐசடோப்களுடைய கலவைகளுக்கிடையில் வித்தியாசங்களை அளந்து டாக்டர் ஹெர்வார்ட்ஸ் இந்த ஆய்வை செய்துள்ளார். 

பூமிப் பாறைகளில் ஒட்சிசன் ஐசடோப்களுடைய கலவை ஒரு விதமாகவும், நிலவுப் பாறைகளில் அது வேறு விதமாகவும் இருப்பதாகவும் முன்றாம் கட்ட மண்ணியல் ஆய்வில் கண்டறியப்பட்டுள்ளது. எல்லாம் சரி. பூமி மீது மோதிய அந்த கிரகத்துக்கு தியா என்ற பெயர் எப்படி வந்தது என்பதுதானே உங்கள் கேள்வி? இந்த மண்ணியல் ஆய்வுகள் மூல பூமி மீது மோதியதாகக் கருதப்படும் கிரகத்துக்கு கிரேக்க புராணத்திலிருந்து 'தியா' என்ற ஒரு பெயரைச் சூட்டி மகிழ்ந்திருக்கிறார்கள், ஆய்வை மேற்கொண்ட கொயெடிங்கென் பல்கலைக்கழக அறிவியல் ஆய்வாளர்கள்! ஆக உங்கள் பெண் குழந்தை பிறந்தா தியா என்று பெயர் வைக்காதீர்கள். அவள் மோதல் போக்கை கடைபிடிப்பவளாக வளரக்கூடும். 

அப்பிள் நிறுவன பொருட்களுக்கு தடை

சீனாவின் பாதுகாப்பு காரணங்களுக்காக அரசு பணிகளில் அப்பிள் நிறுவனத்தின் வன்பொருட்களை பயன்படுத்த அந்நாட்டு அரசு தடை விதித்துள்ளதாக தகவல்கள் வெளியாகி உள்ளன. 

பேஸ்புக், யாகூ, கூகுள், மைக்ரோசொவ்ட் உள்ளிட்ட சமூக வலைதளங்கள் மற்றும் இணையதளங்களை பயன்படுத்தி பல்வேறு உலக நாடுகளையும், அந்நாட்டின் தலைவர்களையும் அமெரிக்கா உளவு பார்த்து வந்த ரகசியத்தை முன்னாள் சி.ஐ.ஏ, என்.எஸ்.ஏ உளவாளியான எட்வேட் ஸ்னோடென் அம்பலப்படுத்தினார். உலகம் முழுவதும் பெரும் அதிர்ச்சியை ஏற்படுத்திய இத்தகவலால் கடும் நெருக்கடிக்கும், எதிர்ப்பிற்கும் உள்ளான அமெரிக்கா நாட்டின் அதிபர் ஒபாமா, இச்செயலுக்காக வருத்தம் தெரிவிக்கும் நிலைக்குத் தள்ளப்பட்டார். அதேநேரம், இத்தகைய உளவு நடவடிக்கைகளை நிறுத்திக்கொள்ள முடியாது என்றும் அறிவித்தார். 

இதையடுத்து, அமெரிக்காவின் இந்த உளவு நடவடிக்கைகளிலிருந்து தங்களது நாட்டின் ரகசியங்களை பாதுகாக்கும் வகையில் பல்வேறு நாடுகளும் அமெரிக்காவின் உளவு பணிகளுக்கு எதிரான நடவடிக்கைகளை மேற்கொண்டு வருகின்றன. இதன் ஒரு பகுதியாக, அமெரிக்காவின் மிகப்பெரும் வன்பொருள் நிறுவனமான ஆப்பிள் நிறுவனத்தின் பொருட்களை சீன நாட்டின் அரசு பணிகளில் பயன்படுத்துவதை நிறுத்த அந்நாட்டு அரசு முடிவு செய்துள்ளது. 

மேலும், இனி வரும் காலங்களில் அப்பிள் நிறுவனத்தின் வன்பொருட்களை அரசுப் பணிகளுக்காக கொள்முதல் செய்வதையும் நிறுத்திக் கொள்ள சீன அரசு முடிவு செய்துள்ளதாகத் தகவல்கள் வெளியாகி உள்ளன. இதன்படி சீன நாட்டின் தேசிய அபிவிருத்தி மற்றும் சீர்திருத்த ஆணையம் மற்றும் நிதி அமைச்சகம் ஆகியன அப்பிள் நிறுவனத்தின் ஐ பாட், ஐ பாட் மினி, மேக்புக் ஏர் மற்றும் மேக்புக் பிரோ உள்ளிட்ட சாதனங்களை கொள்முதல் செய்யும் பட்டியிலிருந்து அவற்றை நீக்கி உள்ளதாக தகவல்கள் தெரிவிக்கின்றன. 

இந்த நடைமுறை சீன நாட்டின் மத்திய மற்றும் உள்ளாட்சி அமைப்புகள் என அரசின் அனைத்து மட்டங்களிலும் செயல்படுத்தப்பட உள்ளதாகவும் கூறப்படுகிறது. இந்த உத்தரவின் மூலம் அப்பிள் நிறுவன பொருட்களை கொண்டு சீன அரசின் நடவடிக்கைகளை அமெரிக்கா உளவு பார்ப்பதை தடுத்து நிறுத்த முடியும் என சீனா கருதுகிறது. 

16 ஆண்டுகளாக முதலிடம்! எரியும் நரியின் வெற்றிப் பயணம்

இணையத்தைப் பயன்படுத்தும் அனைவரும் அறிந்த நிறுவனம் மொஸில்லா. இந்நிறுவனத்தின் மிகச்சிறந்த தயாரிப்பான ஃபயர்பாக்ஸ் பிரௌசரைப் பற்றி உங்களுக்கே தெரிந்திருக்கும். 31, மார்ச் 1998 இல் தொடங்கப்பட்ட மொஸில்லா நிறுவனம் 16 ஆண்டுகளைக் கடந்து வெற்றிகரமாக தனது பயணத்தை தொடர்கிறது. 

எரியும் நரி போன்று வடிவமைக்கப்பட்ட மொஸில்லாவின் சின்னம் உலகப்புகழ்பெற்றது. இணையத்தைப் பயன்படுத்துவோருக்கு புதிய வசதிகளையும், பாதுகாப்பையும் தருவதை இலக்காகக் கொண்டு இது தொடங்கப்பட்டது. ஓப்பன் சோர்ஸ் முறையில் இலாப நோக்கமின்றி தொடங்கப்பட்ட இந்நிறுவனத்தின் முயற்சியால் உருவானது ஃபயர்பாக்ஸ் இணைய உலாவி.ஃபயர்பாக்ஸ் உலாவியின் முதல் பதிப்பு 2004 ஆம் ஆண்டில் வெளியிடப்பட்டது. 

பொதுத்தரவு நிறுவனம் இந்நிறுவனம் ஓப்பன் சோர்ஸ் என்று அழைக்கப்படும் பொதுத்தரவு முறையில் தொடங்கப்பட்டது என்பதால் இந்நிறுவனத்தை நடத்துவதற்கான நிதியை நன்கொடைகள் மூலமாகத் திரட்டுகிறது. ஃபயர்பாக்ஸ் முதல் பதிப்பு வெளியீடு பற்றி நியூயோர்க் டைம்ஸ் இதழில் வெளியான ஒரு பக்க விளம்பரத்தினைப் பார்த்து சுமார் 10ஆயிரம் பேர், அந்த விளம்பரத்திற்கான நிதியை அளித்து, தங்கள் ஆதரவினைத் தெரிவித்தனர். நிதி மட்டுமல்லாது கணினி மென்பொருள் வல்லுநர்கள் பலரும் தங்களது திறனையும் அறிவையும் மொஸில்லா நிறுவனத் தயாரிப்புகளுக்கு எவ்விதக் கட்டணமுமின்றி அளித்து வருகின்றனர். 

ஃபயர்பாக்ஸ் பிரௌசரில் உள்ள எண்ணற்ற வசதிகள் உருவானதற்கு காரணமே இதுபோன்ற தன்னார்வலர்களின் பங்களிப்புதான். எவ்விதக் கட்டணமுமின்றி இலவசமாகவே மொஸில்லாவின் மென்பொருள்கள் கிடைக்கின்றன. இணையத்தைப் பயன்படுத்தும் 80 சதவீதம் பேரின் கணினிகளில் ஃபயர்பாக்ஸ் இடம்பிடித்துள்ளது. இன்று, அனைத்து நாடுகளிலிருந்தும், பயர்பாக்ஸ் வாடிக்கையாளர்கள், அதற்கு நிதி உதவி அளித்து வருகின்றனர். 

முதலிடத்தில் எரியும் நரி அண்டார்ட்டிகா கண்டத்திலிருந்தும் இதற்கு உதவி கிடைத்து வருவது குறிப்பிடத்தக்கது. அங்கு இணையம் பயன்படுத்துபவர்களில், 80 சதவீதம் பேர், பயர்பாக்ஸ் பயன்படுத்தி வருகின்றனர். ஃபயர்பாக்ஸ் உருவானபோது மைக்ரோசாப்ட் நிறுவனத்தின் இன்டர்நெட் எக்ஸ்ப்ளோரர்தான் அதிகமான கணினிகளில் இடம்பிடித்திருந்த ஒரே பிரௌசர். விண்டோஸ் இயங்குதளத்தின் துணையால் அனைத்து கணினிகளிலும் எளிதாக இடம்பிடித்திருந்தது. 

எவ்விதத் துணையுமின்றி இணையத்தைப் பயன்படுத்துவோருக்கு தரமான வசதிகளை அளித்து மட்டுமே வலுவான இடத்தைப் பிடித்தது ஃபயர்பாக்ஸ். ஓப்பன் சோர்ஸ் முறையில் அமைந்து அனைவரும் பயன்படுத்தக்கூடிய வகையில் அமைந்த ஒரு சில மென்பொருள்களில் இன்று வரை ஃபயர்பாக்ஸ்தான் முதலிடத்தில் உள்ளது. 80 உலக மொழிகளில் எரியும் நரி இது தந்த புதுமையான வசதிகள் பலவற்றைப் பார்த்து பின்னர் பல நிறுவனங்களும் பிரௌசர் தயாரிப்பில் இறங்கின. 

அதில் குறிப்பிடத்தக்கவை ஓபேரா பிரௌசர் மற்றும் கூகுள் நிறுவனத்தின குரோம் பிரௌசர் ஆகியவையாகும். ஃபயர்பாக்ஸ் அளித்தமுக்கிய வசதிகள்ஃபயர்பாக்ஸ் உலாவியின் முக்கியமான சிறப்பாக அமைந்தவை ஆட் ஆன் என்று அழைக்கப்படும் சிறு சிறு கூடுதல் மென்பொருள் தொகுப்புகளாகும். இணையத்தைப் பயன்படுத்துவோரின் விருப்பங்களுக்கு வளைந்து கொடுக்கும் வகையில் பல்லாயிரம் மென்தொகுப்புகள் உருவாக்கப்பட்டு வழங்கப்பட்டுள்ளன. 

இந்த தொகுப்புகள் இதுவரை 300 கோடிக்கும் அதிகமான முறை தரவிறக்கம் செய்யப்பட்டுள்ளதாக மொஸில்லா தெரிவித்துள்ளது. ஒன்லைன் பயன்பாட்டில் உள்ள பெரும் சிக்கல் தனிநபர் தகவல் திருட்டுதான். இதனைத் தடுக்கும் வகையில் பிரைவேட் பிரவுசிங் என்ற வசதியை அளித்தது ஃபயர்பாக்ஸ்தான். ஃபயர்பாக்ஸில் உள்ள மற்றொரு சிறப்பு அதன் அனைத்து செட்டிங்குகளையும் பயனாளர் விருப்பம்போல் அமைத்துக் கொள்ளலாம் என்பதுதான். பயர்பாக்ஸ் பிரவுசர் இன்று 80இற்கும் மேற்பட்ட மொழிகளில் கிடைக்கிறது. 

ஒரேநாளில் உலக சாதனை 2008ஆம் ஆண்டில் வெளியிடப்பட்ட ஃபயர்பாக்ஸ் பதிப்பு 3இன் மூலமாக உலக சாதனை ஒன்றை நிகழ்த்தும் திட்டத்தை ஃபயர்பாக்ஸ் வெளியிட்டது. இதன்படி ஒரே நாளில் சுமார் 80,02,530 பேர் பயர்பாக்ஸ் பிரவுசரைத் தரவிறக்கம் செய்தனர். இதன் மூலம் 24 மணி நேரத்தில் அதிகமான பேர்களால், தரவிறக்கம் செய்யப்பட்ட மென்பொருள் என்ற கின்னஸ் உலக சாதனையை பயர்பாக்ஸ் பிரவுசர் பெற்றது. ஒவ்வொரு ஆண்டும் மொஸில்லா திருவிழா என்ற பெயரில் திருவிழா கொண்டாடப்படுகிறது. 

இணைய வல்லுநர்கள் பலநூறு பேர் கூடி தங்கள் மென்பொருள் திறமையை, ஆய்வை மொஸில்லாவிற்கு இந்நாளில் அளிக்கின்றனர். இதன் மூலமாக, இணையத்தை பயன்படுத்துவதற்கும், பாதுகாப்பாக இருக்கவும் புதிய வசதி மற்றும் தரத்தை நாம் பெறுவதையும் சாத்தியமாக்கியுள்ளது. ஸ்மார்ட் போன்களின் வருகையைத் தொடர்ந்து அதில் பயன்படுத்தும் வகையிலான ஃபயர்பாக்ஸ் பிளெசரையும் வெளியிட்டுள்ளது. 

அத்துடன் ஆண்ட்ராய்ட் இயங்குதள போன்களே அதிகமாக உள்ள சூழலில் கடந்த ஆண்டு மொஸில்லா தன் பயர்பாக்ஸ் இயங்கு தள ஸ்மார்ட் போன்களை வெளியிடவிருப்பதாக அறிவித்தது. மென்பொருள் தயாரிப்பில் ஃபயர்பாக்ஸ் மட்டுமல்லாது தண்டர்பேர்ட் எனப்படும் மின்னஞ்சல்களை நிர்வகிக்கும் டெஸ்க்டாப் கிளைண்ட் மென்பொருளையும் மொஸில்லா உருவாக்கி வழங்கியுள்ளது.இணையத்தைப் பயன்படுத்தும் அனைவரும் அறிந்த நிறுவனம் மொஸில்லா. இந்நிறுவனத்தின் மிகச்சிறந்த தயாரிப்பான ஃபயர்பாக்ஸ் பிரௌசரைப் பற்றி உங்களுக்கே தெரிந்திருக்கும். 31, மார்ச் 1998 இல் தொடங்கப்பட்ட மொஸில்லா நிறுவனம் 16 ஆண்டுகளைக் கடந்து வெற்றிகரமாக தனது பயணத்தை தொடர்கிறது. 

எரியும் நரி போன்று வடிவமைக்கப்பட்ட மொஸில்லாவின் சின்னம் உலகப்புகழ்பெற்றது. இணையத்தைப் பயன்படுத்துவோருக்கு புதிய வசதிகளையும், பாதுகாப்பையும் தருவதை இலக்காகக் கொண்டு இது தொடங்கப்பட்டது. ஓப்பன் சோர்ஸ் முறையில் இலாப நோக்கமின்றி தொடங்கப்பட்ட இந்நிறுவனத்தின் முயற்சியால் உருவானது ஃபயர்பாக்ஸ் இணைய உலாவி.ஃபயர்பாக்ஸ் உலாவியின் முதல் பதிப்பு 2004 ஆம் ஆண்டில் வெளியிடப்பட்டது. 

பொதுத்தரவு நிறுவனம் இந்நிறுவனம் ஓப்பன் சோர்ஸ் என்று அழைக்கப்படும் பொதுத்தரவு முறையில் தொடங்கப்பட்டது என்பதால் இந்நிறுவனத்தை நடத்துவதற்கான நிதியை நன்கொடைகள் மூலமாகத் திரட்டுகிறது. ஃபயர்பாக்ஸ் முதல் பதிப்பு வெளியீடு பற்றி நியூயோர்க் டைம்ஸ் இதழில் வெளியான ஒரு பக்க விளம்பரத்தினைப் பார்த்து சுமார் 10ஆயிரம் பேர், அந்த விளம்பரத்திற்கான நிதியை அளித்து, தங்கள் ஆதரவினைத் தெரிவித்தனர். நிதி மட்டுமல்லாது கணினி மென்பொருள் வல்லுநர்கள் பலரும் தங்களது திறனையும் அறிவையும் மொஸில்லா நிறுவனத் தயாரிப்புகளுக்கு எவ்விதக் கட்டணமுமின்றி அளித்து வருகின்றனர். 

ஃபயர்பாக்ஸ் பிரௌசரில் உள்ள எண்ணற்ற வசதிகள் உருவானதற்கு காரணமே இதுபோன்ற தன்னார்வலர்களின் பங்களிப்புதான். எவ்விதக் கட்டணமுமின்றி இலவசமாகவே மொஸில்லாவின் மென்பொருள்கள் கிடைக்கின்றன. இணையத்தைப் பயன்படுத்தும் 80 சதவீதம் பேரின் கணினிகளில் ஃபயர்பாக்ஸ் இடம்பிடித்துள்ளது. இன்று, அனைத்து நாடுகளிலிருந்தும், பயர்பாக்ஸ் வாடிக்கையாளர்கள், அதற்கு நிதி உதவி அளித்து வருகின்றனர். 

முதலிடத்தில் எரியும் நரி அண்டார்ட்டிகா கண்டத்திலிருந்தும் இதற்கு உதவி கிடைத்து வருவது குறிப்பிடத்தக்கது. அங்கு இணையம் பயன்படுத்துபவர்களில், 80 சதவீதம் பேர், பயர்பாக்ஸ் பயன்படுத்தி வருகின்றனர். ஃபயர்பாக்ஸ் உருவானபோது மைக்ரோசாப்ட் நிறுவனத்தின் இன்டர்நெட் எக்ஸ்ப்ளோரர்தான் அதிகமான கணினிகளில் இடம்பிடித்திருந்த ஒரே பிரௌசர். விண்டோஸ் இயங்குதளத்தின் துணையால் அனைத்து கணினிகளிலும் எளிதாக இடம்பிடித்திருந்தது. 

எவ்விதத் துணையுமின்றி இணையத்தைப் பயன்படுத்துவோருக்கு தரமான வசதிகளை அளித்து மட்டுமே வலுவான இடத்தைப் பிடித்தது ஃபயர்பாக்ஸ். ஓப்பன் சோர்ஸ் முறையில் அமைந்து அனைவரும் பயன்படுத்தக்கூடிய வகையில் அமைந்த ஒரு சில மென்பொருள்களில் இன்று வரை ஃபயர்பாக்ஸ்தான் முதலிடத்தில் உள்ளது. 80 உலக மொழிகளில் எரியும் நரி இது தந்த புதுமையான வசதிகள் பலவற்றைப் பார்த்து பின்னர் பல நிறுவனங்களும் பிரௌசர் தயாரிப்பில் இறங்கின. 

அதில் குறிப்பிடத்தக்கவை ஓபேரா பிரௌசர் மற்றும் கூகுள் நிறுவனத்தின குரோம் பிரௌசர் ஆகியவையாகும். ஃபயர்பாக்ஸ் அளித்தமுக்கிய வசதிகள்ஃபயர்பாக்ஸ் உலாவியின் முக்கியமான சிறப்பாக அமைந்தவை ஆட் ஆன் என்று அழைக்கப்படும் சிறு சிறு கூடுதல் மென்பொருள் தொகுப்புகளாகும். இணையத்தைப் பயன்படுத்துவோரின் விருப்பங்களுக்கு வளைந்து கொடுக்கும் வகையில் பல்லாயிரம் மென்தொகுப்புகள் உருவாக்கப்பட்டு வழங்கப்பட்டுள்ளன. 

இந்த தொகுப்புகள் இதுவரை 300 கோடிக்கும் அதிகமான முறை தரவிறக்கம் செய்யப்பட்டுள்ளதாக மொஸில்லா தெரிவித்துள்ளது. ஒன்லைன் பயன்பாட்டில் உள்ள பெரும் சிக்கல் தனிநபர் தகவல் திருட்டுதான். இதனைத் தடுக்கும் வகையில் பிரைவேட் பிரவுசிங் என்ற வசதியை அளித்தது ஃபயர்பாக்ஸ்தான். ஃபயர்பாக்ஸில் உள்ள மற்றொரு சிறப்பு அதன் அனைத்து செட்டிங்குகளையும் பயனாளர் விருப்பம்போல் அமைத்துக் கொள்ளலாம் என்பதுதான். பயர்பாக்ஸ் பிரவுசர் இன்று 80இற்கும் மேற்பட்ட மொழிகளில் கிடைக்கிறது. 

ஒரேநாளில் உலக சாதனை 2008ஆம் ஆண்டில் வெளியிடப்பட்ட ஃபயர்பாக்ஸ் பதிப்பு 3இன் மூலமாக உலக சாதனை ஒன்றை நிகழ்த்தும் திட்டத்தை ஃபயர்பாக்ஸ் வெளியிட்டது. இதன்படி ஒரே நாளில் சுமார் 80,02,530 பேர் பயர்பாக்ஸ் பிரவுசரைத் தரவிறக்கம் செய்தனர். இதன் மூலம் 24 மணி நேரத்தில் அதிகமான பேர்களால், தரவிறக்கம் செய்யப்பட்ட மென்பொருள் என்ற கின்னஸ் உலக சாதனையை பயர்பாக்ஸ் பிரவுசர் பெற்றது. ஒவ்வொரு ஆண்டும் மொஸில்லா திருவிழா என்ற பெயரில் திருவிழா கொண்டாடப்படுகிறது. 

இணைய வல்லுநர்கள் பலநூறு பேர் கூடி தங்கள் மென்பொருள் திறமையை, ஆய்வை மொஸில்லாவிற்கு இந்நாளில் அளிக்கின்றனர். இதன் மூலமாக, இணையத்தை பயன்படுத்துவதற்கும், பாதுகாப்பாக இருக்கவும் புதிய வசதி மற்றும் தரத்தை நாம் பெறுவதையும் சாத்தியமாக்கியுள்ளது. ஸ்மார்ட் போன்களின் வருகையைத் தொடர்ந்து அதில் பயன்படுத்தும் வகையிலான ஃபயர்பாக்ஸ் பிளெசரையும் வெளியிட்டுள்ளது. 

அத்துடன் ஆண்ட்ராய்ட் இயங்குதள போன்களே அதிகமாக உள்ள சூழலில் கடந்த ஆண்டு மொஸில்லா தன் பயர்பாக்ஸ் இயங்கு தள ஸ்மார்ட் போன்களை வெளியிடவிருப்பதாக அறிவித்தது. மென்பொருள் தயாரிப்பில் ஃபயர்பாக்ஸ் மட்டுமல்லாது தண்டர்பேர்ட் எனப்படும் மின்னஞ்சல்களை நிர்வகிக்கும் டெஸ்க்டாப் கிளைண்ட் மென்பொருளையும் மொஸில்லா உருவாக்கி வழங்கியுள்ளது.

தேசபக்தியை கைவிடாத கூகுள்

அமெரிக்காவின் உளவு நிறுவனமான தேசிய பாதுகாப்பு ஏஜென்சி, அமெரிக்க மக்களின் தொலைபேசிகளையும், இன்டர்நெட் தகவல்களையும் உளவு பார்த்ததாக அதில் கம்ப்யூட்டர் நிபுணராக பணியாற்றிய எட்வேட் ஸ்நோடென் வெளியிட்டு பெரும் பரபரப்பை ஏற்படுத்தினார். 

ஜேர்மனி, பிரேஸில் உள்ளிட்ட உலக தலைவர்கள் பேச்சுகளையும் தேசிய பாதுகாப்பு ஏஜென்ஸி உளவு பார்த்ததால், அந்த நாடுகளின் அதிருப்தியையும் அமெரிக்கா சம்பாதித்தது. இந்த நிலையில் தேசிய பாதுகாப்பு ஏஜென்ஸியின் புதிய தலைவராக மைக்கேல் எஸ்.ரோஜர் பொறுப்பேற்று உள்ளார். அவர் நியூயோர்க் டைம்ஸ் பத்திரிகைக்கு அளித்த பேட்டியில் - "எட்வேட் ஸ்நோடென் தகவல் வெளியிட்ட பின்னர் தேசிய பாதுகாப்பு ஏஜென்ஸிக்கும், தகவல் தொடர்பு நிறுவனங்களுக்கும் இடையிலான உறவு முற்றிலும் மாறி விட்டது. தேசிய பாதுகாப்பு ஏஜென்ஸிக்கு இன்டர்நெட் நிறுவனங்கள், தொலைபேசி நிறுவனங்கள் ஒத்துழைப்பு கொடுப்பதாக கூறுவது முற்றிலும் தவறானது என்று தெரிவித்தார். 

ஆனால் தேசிய பாதுகாப்பு ஏஜென்ஸி முன்னாள் அதிகாரி ரிச்சேட், சமீபத்தில் பிரஸ் டிவி.க்கு பேட்டி அளித்தபோது - "கூகுள், மைக்ரோசொவ்ட் நிறுவனங்கள் தேசிய பாதுகாப்பு ஏஜென்ஸிக்கு இப்போதும் முழு ஒத்துழைப்பு அளித்து வருகின்றன. 

இதற்காக அந்த நிறுவனங்களுக்கு உரிய நிதி அளிக்கப்பட்டு வருகிறது" - என்று உறுதிபடத் தெரிவித்துள்ளார். இதன்மூலம் கூகுள், மைக்ரோசொவ்ட் ஆகிய நிறுவனங்களின் தேசபக்தி மீண்டும் உறுதிசெய்யப்பட்டுள்ளது. இந்நிலையில் இங்கிலாந்து, கனடா, ஆஸ்திரேலியா, நியூசிலாந்து ஆகிய நாடுகளை தவிர மற்ற நாடுகளை உளவு பார்க்க தேசிய பாதுகாப்பு ஏஜென்ஸி அனுமதி பெற்றுள்ளதாக அமெரிக்காவின் 'வாஷிங்டன் போஸ்ட்' பத்திரிகை செய்தி வெளியிட்டு பரபரப்பை ஏற்படுத்தி உள்ளது. 

ரகசிய ஆய்வில் ஈடுபட்ட ஃபேஸ்புக்

சமூக வலைத்தளங்கள் மற்றும் இணையம் மூலம் உலாவ விடும் செய்திகள் மூலம் மக்களின் மன நிலையை மாற்ற முடியுமா? என்பது குறித்த உளவியல் சோதனையில் ஃபேஸ்புக் நிறுவனம் ரகசியமாக ஈடுபட்டிருப்பது தெரியவந்துள்ளது. ஏற்கனவே ஃபேஸ்புக், டுவிட்டர் உள்ளிட்ட சமூக இணைய தளங்கள் மூலம் அமெரிக்கா உலக நாடுகளை காண்காணித்து உளவு வேலையில் ஈடுபட்டு வந்ததை எட்வார்ட் ஸ்னோடன் உலகிற்கு அம்பலப்படுத்தினார். இது உலக அளவில் மிகப் பெரிய அளவில் அதிர்வை ஏற்படுத்தியது. 

இந்நிலையில் ஃபேஸ்புக் நிறுவனம் தங்களின் தளத்தில் உலாவிடும் செய்திகள் ஃபேஸ்புக்கை பயன்படுத்துவோரின் மனநிலையில் மாற்றத்தை ஏற்படுத்துகிறதா? அப்படி ஏற்படும் மாற்றம் செய்தியின் தன்மைக்கேற்ப மாறுபடுகிறதா? அதே போல் செய்திகளைகொண்டு மக்களின் கவனத்தை திசைதிருப்பி கொண்டு செல்லமுடியுமா என்பது உள்ளிட்டபல்வேறு ரகசிய உளவியல்ஆய்வுகள் மேற்கொள்ளப்பட்டிருக்கிறது. 

அதுவும் ஃபேஸ்புக் பயன்படுத்தும் 7 லட்சம் பேரின் ஃபேஸ்புக் பக்கத்தில் இந்த இந்த ஆய்வு ஒரு வார காலம் நடத்தப்பட்டிருக்கிறது. இது எதுவும் அதனை பயன்படுத்தும் பயனாளர்களுக்கு தெரிவிக்கப்படவில்லை. முதலில் ஃபேஸ்புக் பக்கத்தில் ஒரு செய்தியை ( நியூஸ் ஃபீட் ) வெளியிடுவது. அந்த செய்தியை படிக்கும் பயனாளி, அடுத்து அவர் பதிவு செய்யும் இடுகை செய்தியின் தன்மைக்கேற்ப மாறுபட்டிருந்திருக்கிறது. 

அதாவது முதலில் ஒரு நல்ல செய்தியை வெளியிடுவது. அதனை படிக்கும் பயனாளி அதற்கேற்றவாறு நல்ல விதமான பதிவுகளை செய்திருக்கிறார். அடுத்ததாக ஒரு தீயை செய்தியை வெளியிட்டு, அதன் மூலம் எதிர்மறையான கருத்தை உருவாக்கியிருக்கின்றனர். அதனை படித்த அதே பயனாளி எதிர்மறையான கருத்தையே பதிவு செய்திருக்கிறார். 

இதன் மூலம் ஃபேஸ்புக்கில் வெளியிடும் ஒரு செய்தியின் தன்மையை கொண்டு பயனாளிகளின் மனநிலையையும் மாற்ற முடியும் என்பது தெரிய வந்திருக்கிறது. இந்த உளவு சோதனை ஒருவாரகாலம் 7 லட்சம் பயனாளிகளின் ஃபேஸ்புக் பக்கத்தில், பயனாளிகளுக்கே தெரியாமல் நடத்தப்பட்டிருக்கிறது. சோதனையின் முடிவில் செய்திகளை கொண்டு பயனாளிகளின் மனநிலையை, தங்களின் வசதிகேற்ப மாற்ற முடியும் என முடிவுக்கு வந்திருக்கின்றனர். இந்த சோதனையை முழுக்க முழுக்க ரகசியமாகவே ஃபேஸ்புக் நிறுவனம் நடத்தியிருக்கிறது. 

ஆய்வின் முடிவுகளையும் ரகசியமாகவே வைத்திருக்கிறது. இதனை வைத்து மிக பெரிய கார்ப்பரேட் நிறுவனங்களுடன் அவர்களின் பொருட்கள் குறித்து கவர்ச்சியை ஏற்படுத்தும் செய்திகளை வெளியிட்டு, அதன் மூலம் மக்களை அந்த பொருட்களின் நுகர்வோர்களாகவும் மாற்ற முடியும். அதே போல் ஒரு நாட்டில் அரசின் கருத்தையோ, அல்லது அரசிற்கு எதிரான கருத்தையோ கொண்டு செல்ல இந்த வழிமுறையை பின்பற்ற முடியும். 

இப்படி ஆபத்து நிறைந்த ஓர் உளவியல் சோதனையை ஃபேஸ்புக் நிறுவனம் நடத்தியிருப்பது, ஃபேஸ்புக் பயனாளிகளிடம் அதிர்ச்சியை ஏற்படுத்தியிருக்கிறது. இந்த ரகசிய உளவியல் ஆய்வு நடவடிக்கையும் கூட, அமெரிக்க ஆய்விதழில் ஒன்றில் இந்த ஆய்வு குறித்த கட்டுரை வெளியானதில் இருந்தே தெரியவந்தது என்பது குறிப்பிடத்தக்கது. பயனாளிகள் தங்கள் நியூஸ் ஃபீடில் படிக்கும் செய்தியின் தன்மை, அவர்கள் மனநிலையை பாதிக்கிறது என்பதே இந்த ஆய்வின் முடிவாக அமைந்தது என அந்தகட்டுரையில் குறிப்பிடப்பட்டிருக்கிறது. 

வழக்கமான ஆய்வுதான் ஃபேஸ்புக் நிறுவனம் இந்த விவகாரம் குறித்து பேஸ்புக் நிறுவனத்தின் முதன்மை செயல் அதிகாரி ஷெரில் சாண்ட்பர்க் இந்தியாவில் தொழில் முனைவோர்களுடனான சந்திப்பு நிகழ்ச்சியில் பங்கேற்று பேசுகையில் தெரிவித்திருப்பதாவது:- இந்த உளவியல் ரீதியான ஆய்வு என்பது வழக்கமான ஒன்றுதான். ஆனால் அதனை வெளியில் தெரிவித்த விதம்தான் மோசமாக அமைந்து விட்டது. 

அதற்காக வருத்தம் தெரிவிக்கிறேன் என்று தெரிவித்துள்ளார். இதே போல் இந்த உளவியல் சோதனையை தலைமையேற்று நடத்திய ஃபேஸ்புக் டேட்டா விஞ்ஞானி ஆடம் கிராமரும், பயனாளிகள் அனுமதியில்லாமல், அவர்களை உளவியல் ரீதியான சோதனைக்கு உட்படுத்தியதற்கு மன்னிப்பு கோருவதாகத் தெரிவித்துள்ளார்.

447 ஆண்டுகளுக்கு முன்னர் மூழ்கிய கப்பல் கண்டுபிடிப்பு

கடலில் மூழ்கிய பண்டைய நகரங்களைக் கண்டுபிடிப்பது நாகரீகங்களைத் தெரிந்து கொள்ளும் வழிமுறைகளில் ஒன்றாக இருக்கிறது. அதேபோல கடலில் மூழ்கிய பழைய கப்பல்கள், அவற்றோடு புதைந்துபோன பொக்கிஷங்கள், அதனுடன் மடிந்த பயணிகள் மற்றும் கப்பல் ஊழியர்களின் எலும்புக்கூடுகள் ஆகியவற்றை கண்டுபிடிப்பது மேற்கத்திய உலகில் ஒரு கலாச்சாரமாகவே இன்றும் கடைப்பிடிக்கப்படுகிறது. 

நடந்த விபத்து அல்லது வரலாற்றின் சில புரிபடாத பக்கங்களை தெரிந்து கொள்ளும் ஆர்வமே 'ஓசனோகிராபிஸம்' என்ற ஒரு துறையாகவும் ஆய்வுக் கலாசாரமாகவும் வளர்ந்திருக்கிறது. இந்தத் துறையின் சமீபத்திய மிக ஆச்சரியகரமான கண்டுபிடிப்பு 'மார்ஸ் தி மேக்னிஃபீஸியண்ட்' என்ற கப்பல். 16ஆம் நூற்றாண்டில் வாழ்ந்த பைத்தியக்கார ராஜா என்று கருதப்பட்ட மன்னர் பதினான்காம் எரிக் 'மார்ஸ்' என்ற கொடிக் கப்பலைக் கட்டினார். இந்தக் கப்பல் மிகப்பிரம்மாண்டமான மார்ஸ் (Mars The Magnificient)என்று அழைக்கப்பட்டது. இந்த கப்பல் தனது பயணத்தை 500 ஆண்டுகளுக்கு முன் ஓலண்ட் கடற்கரையில் முடித்துக்கொண்டது. 

"குஸ்டாவ் வாசாவின் மகனான மன்னர் பதினான்காம் எரிக் தன்னுடைய தந்தை இறந்தவுடன் ஸ்வீடனின் புதிய கொடிக்கப்பலாக இந்தக் கப்பலைக் கட்டினார்" என்று ரோன்பி உள்ளூர் இதழான 'தி லோக்கல்' பத்திரிகையிடம் கூறியுள்ளார். அதற்கு முன்பு இதுபோன்ற பிரம்மாண்டமான கப்பல் கட்டப்பட்டதில்லை. 100 ஆண்டுகளுக்கும் அதிகமான வயது கொண்ட ஓக் மரங்களைக் கொண்டு கட்டப்பட்ட இந்த பிரமாண்டக் கப்பலை தற்போது 447 ஆண்டுகளுக்குப் பின்னர் கண்டுபிடித்திருக்கிறார்கள். 

லூத்ரன் குழுவின் சாதனை ஆய்வுக் குழுவினர் ஸ்வீடனின் நீர்மூழ்கியும், கடல் பயண தொல்லியலாளரும் ஆன ரிச்சர்ட் லூத்ரன் என்பவருக்கு இந்த ஆய்வை நடத்துவதற்கு நேஷனல் ஜியோகிராபிக் சொசைட்டி மானியம் வழங்கியுள்ளது. அவர் தன்னுடைய குழுவுடன் கடந்த 20 ஆண்டுகளாக கடும் தேடுதலை கடலுக்கடியில் நடத்தி வருகிறார். இந்த ஆய்வுக்காக 'பிரின்ஸ்' குட்டி நீர் மூழ்கி ரோபோவை லூத்ரன் பயன்படுத்தியுள்ளார். இந்த அதிரடி ஆராய்ச்சிக்குழு இந்த கப்பலின் சிதைவுகளை 447 ஆண்டுகளுக்குப் பின்னர் கடந்த 2011இல் கண்டுபிடித்து சாதனை படைத்தார்கள். 

ஆனால் என்ன கண்டுபிடித்தோம் என்பதை அவர்கள் முழுமையாக வெளிப்படுத்த வில்லை. அதைத் தற்போது வெளியிட்டிருக்கிறார்கள். ஏன் முழ்கியது? 1564ம் ஆண்டில் நிலப்பேராசை கொண்ட மன்னர் பதினான்காம் எரிக் டேனிஷ் லூபெக் படைகளிடமிருந்து கைப்பற்றிய நிலங்களைத் தக்கவைத்துக் கொள்ள நடந்த பயங்கரமான கடல் போரில் இந்தக் கப்பல் மூழ்கடிக்கப்பட்டது. 

இரண்டு லூபெக் போர்க்கப்பல்கள் அதைச் சுற்றி வளைத்து தங்களை மார்ஸூடன் இணைத்துக் கொண்டன. லூபெக் கப்பல்களில் இருந்து சுமார் முந்நூறு வீரர்கள் மார்ஸின் தளத்துக்கு வந்தனர். அப்போது நடைபெற்ற போரில் கப்பலுக்கு தீ வைக்கப்பட்டது. ஒருவரையொருவர் குத்திக் கொன்றனர். கண்டுபிடிக்கப்பட்ட கப்பலின் சிதைவுகளில் மனித எலும்புகள் ஏராளமாக உள்ளன. 

இந்த கப்பல் குறித்து ஐந்து நூற்றாண்டுகளாக நீடித்த மர்மம் இனி மெல்ல வெளிவரலாம். அதற்கு முன் பிரின்ஸ் ரோபோ கண்டுபிடித்து எடுத்த வீடியோக்களையும், புகைப்படங்களையும் இங்கே பார்த்து ஆச்சரியம் அடையுங்கள். 

படிகக்கண்ணாடி வழியாக மின்சாரம் பாயுமா?

படிகக்கண்ணாடி (crystal class )ஒரு முழுமையான மின் தடுப்புப் பொருள் என்பது அனைவரும் அறிந்ததே. இதன் வழியாக மின்சாரம் பாயாது. ஆனால் அல்ட்ரா ஷார்ட்லேசர் மின்துடிப்பு மூலம் இதன் மின்னணு குணங்களை மாற்றலாம் என்று அறிவியலாளர்களின் ஆய்வுகூறுகிறது. இந்த மாற்றம் மின் துடிப்பின் வலிமையைப் பொறுத்தது என்று ஆய்வாளர்கள் கூறுகின்றனர். 

மின்துடிப்பு வலுவாக இருந்தால், படிகக்கண்ணாடியின் அணுத்துகள் (எலக்ட்ரான்) சுயேச்சையாக கட்டுப்பாடின்றி நகரும். மாற்றப்பட்ட நிலையில் படிகக்கண்ணாடிக்குள் ஒளிபுக முடியாது என்பதுடன் அது மின்சாரத்தைக் கடத்துவதுடன், உலோகம் போல் செயற்படுகிறது. 

ஒரு பொருளின் குணாம்சங்களை மாற்றும் தொழில்நுட்பம் வேகமாகி வருவதால் விரைவில் அல்ட்ரா பாஸ்ட் ஒளியை அடிப்படையாகக் கொண்ட மின்னணு பணிகள் தொடங்கும் வாய்ப்புகள் அதிகமாகிறது. கடந்த சில ஆண்டுகளாக அல்ட்ரா ஷார்ட் லேசர் மின்துடிப்பு அணுக்கள் மற்றும் மூலக்கூறுகள் ஆகியவற்றில் ஏற்படும் ஒட்டு மொத்த மாற்றங்களை ஆராயப் பயன்படுத்துவது அதிகரித்து வருகிறது. 

ஜெர்மனியின் கார்ச்சிங்கில் உள்ள மாக்ஸ் - பிளாங் கல்விக்கழகத்தில் ஆய்வு நடத்தப்பட்டது. இந்த சோதனையில் படிகக்கண்ணாடிகளில் மின்சாரம் செலுத்தப்பட்டது. லேசர் மின் துடிப்பு மூலம் அதில் வெளிச்சமேற்படுத்தப்பட்டது. அச்சமயங்களில் கண்ணாடியின் குணம் உலோகம் போல் மாற்றம் அடைகிறது. 

லேசர் மின் துடிப்பு நிறுத்தப்பட்டவுடன் அதன் உண்மையான குணம் மீண்டும் திரும்புகிறது. லேசர் மின்துடிப்பு ஒரு மிகமிக வலுவான மின்களமாகும். படிகக்கண்ணாடியில் உள்ள மின்னணு நிலைகளை விறுவிறுப்பாக மாற்றும் சக்தி அதற்கு உண்டு என்று ஜப்பான் பல்கலைக்கழக ஆராய்ச்சியாளர்கள் கூறுகின்றனர். 

மின்னஞ்சல் வளர்ந்த கதை

கைகளால் கடிதம் எழுதும் வழக்கம் இன்றைய தலைமுறையிடம் இல்லை. காரணம் மின்னஞ்சல். இணையத்தின் கொடையென்றே மின்னஞ்சலை வர்ணிக்கலாம். ஒருவரின் வீட்டு முகவரி எவ்வளவு முக்கியமோ அந்த அளவிற்கு மின்னஞ்சல் முகவரியும் முக்கியமானதாக இன்று மாறி இருக்கிறது. ஒரு நிமிடத்தில் உலகமெங்குமிருந்து கோடிக்கணக்கான மின்னஞ்சல்கள் அனுப்படுகின்றன. 

இவையனைத்தும் சரியான முகவரியில் வழி தவறாமல் சென்று சேர்கின்றன. இதனை அனுப்புபவர் கவனக்குறைவாலோ, சரியான முகவரியை உள்ளிடாமல் இருந்தாலோ மட்டுமே அவை வழிமாறிச் செல்கின்றன. அதேபோல இணையப்பாதையில் பிரச்னைகள் இருந்தால் மட்டுமே தடை அல்லது தாமதம் ஏற்படுகிறது. 

இத்தகைய நிலையும் சில சமயங்களீல் மட்டுமே. மற்றபடி எந்த நேரத்திலும் சரியான முகவரிக்கு குறைவான நேரத்தில் செய்தியைக் கொண்டு சேர்த்துவிடும் என்பதே உண்மை. சேவர்களும் ஏஜெண்டுகளும் இதற்கான தொழில்நுட்ப கட்டமைப்பு மிக நுட்பமாக எழுதப்பட்டுள்ளது. நாம் அனுப்பும் மின்னஞ்சல் (கூகுள், யாகூ, வெப், ஆபீஸ் 356 போன்ற எந்த ஒரு வெப் மெயில் சேவையை நாம் பயன்படுத்தினாலும்) நாம் கணக்கு வைத்திருக்கும் நிறுவன மின்னஞ்சல் சேவருக்கு அனுப்பப்படுகிறது. 

இப்பணியை செய்வது MSA (Mall Submission Agent ) ஆகும். இதனிடமிருந்து செல்லும் மின்னஞ்சல் டெயில் டிரான்ஸ்பர் ஏஜென்ட் (Mall Transfer Agent ) எனப்படும் சேவருக்கு அனுப்பப்படுகிறது. ஒரே மின்னஞ்சல் சேவைக்குள் அல்லது வேறு நிறுவன மின்னஞ்சல் சேவை எதுவானாலும் நம்முடைய செய்தியின் பயணம் என்பது இதுப்போன்ற பல மெயில் டிரான்ஸ்பர் ஏஜெண்டுகளை கடந்து சென்றே சேர்கிறது. 

இந்த மின்னஞ்சல் பரிமாற்ற சேவர் தபால் அலுவலகம் போல் செயற்பட்டு வரும் மின்னஞ்சல்களின் முகவரியைப் படித்து அதற்குரிய சேர்வரை நோக்கி அனுப்பி வைக்கிறது. இந்த இடத்தில்தான் @ குறீயீட்டிற்கு முன்னதாக இருக்கும் என்பது உங்களுக்கு தெரியும். இதற்கு அடுத்துள்ள பெயர் நாம் மின்னஞ்சல் கணக்கு வைத்துள்ள யாகூ அல்லது நம்முடைய சொந்த இணையத் தளத்தின் டொமைன் பெயரை பின்னொட்டாகக் கொண்டிருக்கும். டொமைன் மற்றும் ஐ.பி எண் இந்த பின்னொட்டு டொமைன் பெயருக்கான ஐ.பி. எண்ணைத் தேடுகிறது. 

அதன்பின் அதற்குறிய சர்வரை நோக்கி நம்முடைய மின்னஞ்சல் தகவல் நகர்த்தப்படுகிறது. மெயில்களை பெற்று உரியவருக்கு பிரித்தனுப்பும் வேலையை மெயில் எக்ஸ்சேஞ்சர் (MX- Mail exchanger) என்ற சர்வர் செய்கிறது. இதிலிருந்து மெயில் டெலிவரி ஏஜெண்ட் (Mail deleivery agent ) என்ற சர்வருக்கு அனுப்பப்பட்டு குறிப்பிட்ட நபரின் மின்னஞ்சல் பக்கத்தில் காட்டப்படுகிறது. 

இப்பணிகளைச் செய்யும் கட்டமைப்பிற்கு எஸ்.எம்.டிபி ( Simple mail Transfer Protocol ) என்று குறிப்பிடுகின்றனர். அதிகமான மின்னஞ்சல்கள் [அயணிக்கும் போது அவற்றை வரிசைப்படுத்தி நிர்வகிப்பதில் இது முதன்மை பெறுகிறது. இப்பணிகள் அனைத்தும் வெப்மெயில் சர்வர் தொகுப்பில் நடைபெறுபவை. அதிகமான மின்னஞ்சல்களை நிர்வகிக்க கணினியிலேயே தனியாக ஒரு மென்போருளை நிறுவி பயன்படுத்துபவர்களும் உண்டு. 

உதாரணமாக, மைக்ரோசொப்ட் அவுட்லுக், மொஸில்லாவின் தண்டர்பெர்ட் ஆகிய கணினி மின்னஞ்சல் தொடர்பான மென்பொருள்களை MUA ( Mail User Agent) இவ்வாறு குறிப்பிடுகின்றனர். இம்மென்பொருள்களை மெயில் சேவருன் இணைத்துவிட்டால் நமக்கு வரும் மின்னஞ்சல்களை கணினியில் பதிவிறக்கம் செய்து வைத்துக் கொள்ளும். 

இணைய இணைப்பு இல்லாத போதும் ஏற்கனவே வந்திருக்கும் மின்னஞ்சல்களை எளிதாக நாம் திறந்து பார்த்துக் கொள்ளவும், எளிதாக நிர்வகிக்கும் இம்மென்பொருள்கள் உதவுகின்றன. 

பல்லிகளிடமிருந்து மரபணு தொழில்நுட்பம்

ஒரு பச்சோந்தி சிக்கலில் மாட்டிக் கொண்டால் தன்னுடைய வாலை துண்டித்துக் கொண்டு தப்பியோடி விடும். பின்னர் அது ஒரு புதிய வாலை வளர்த்துக்கொள்ளும். இது வியப்பை மட்டும் தரவில்லை, பொறாமையையும் தோற்றுவிக்கிறது. 

உடைந்து போன அல்லது காணாமற்போன மனித அவயங்களை மீண்டும் வளர்ப்பது மறுஉற்பத்தி செய்வது ஸ்டெம்செல் மருத்துவத்தின் கனவாக இருந்து வருகிறது. தற்போது அறிவியலாளர்கள் பல்லியின் மறுவளர்ச்சி திறன் குறித்த மர்மத்தை உடைத்துள்ளனர். 

ஊர்வனவும், மனிதகுலமும் பகிர்ந்து கொள்ளும் மரபணுக்களில் இந்த மர்மம் பொதிந்து கிடக்கிறது. சாலமாண்டர் போன்ற மிருகங்களும், சில மீன்களும் இந்த மறுவளர்ச்சி திறமைகளைக் கொண்டவை. ஆனால் பச்சோந்திகள் இதை மாறுபட்ட வகையில் நடத்துகின்றன. 

இதனுடைய திசு வளர்ச்சி வால் முழுவதும் சீராகப் பரவிக்கிடக்கிறது. மற்ற மிருகங்களில் அவற்றின் வால்களின் முனையில் மட்டும் இருக்கின்றன. தங்களோடு ஒட்டியுள்ள இணைப்புகளை மறுவளர்ச்சி செய்வதில் இவை மனிதனுக்கு மிக நெருக்கமான விலங்காகும். 

ஆய்வாளர்கள் நடுத்தர வளர்ச்சி கொண்ட ஐந்து பல்லிகளின் (பச்சோந்திகள் பல்லி வகையைச் சேர்ந்தவை) வால்களை அகற்றினர். அவற்றை ஐந்து துண்டுகளாக வெட்டினர். ஒவ்வொரு துண்டிலும் அவர்கள் மரபணு ஆராய்ச்சியை நடத்தினார்கள். மறுவளர்ச்சி காணும் குறிப்பிட்ட வால் பகுதிகளில் இவர்கள் 326 மரபணுக்களை குறிவைத்தனர். 

அவற்றில் 302 மரபணுக்கள் பாலூட்டிகளின் மரபணுக்களை ஒத்திருந்தன. இந்த கண்டுபிடிப்பு 'பி.எல்.ஓ.எஸ். வன்' என்ற அறிவியல் இதழில் வெளியிடப்பட்டுள்ளது. மனிதர்களும் பச்சோந்திகளும் ஒரே மரபணுக்களுடன் செயல்படுவதால், பச்சோந்திகளின் புதுமையான பாதையில் நடைபோட்டால் மனிதர்களிலும் மறுவளர்ச்சி சிகிச்சை சாத்தியம் என்று அறிவியலாளர்கள் கருதுகிறார்கள் 

அன்ரொய்ட் பதிப்புகள்: அப்பிள் பை முதல் கிட்கேட் வரை

அன்ரொய்ட் இயங்குதளம் லினக்ஸ் இயங்குதளத்தை அடிப்படையாகக் கொண்டு முதன் முதலில் தொடுதிரை செல்லிடப் பேசிகளுக்காக உருவாக்கப்பட்டது. அன்ரொய்ட் இன்க் என்ற நிறுவனத்தால் ஓப்பன் சோர்ஸ் மென்பொருள் திட்டத்தில் உருவான இவ்வியங்குதளத்தை 2005ஆம் ஆண்டு கூகுள் நிறுவனம் ஓப்பன் ஹேண்ட்செட் அல்லயன்ஸ் என்ற தனது சார்பு நிறுவனத்திற்காக வாங்கியது.

இதன் முதல் பதிப்பு நவம்பர் 7, 2007 அன்று வெளியானது. ஒவ்வொரு பதிப்பிற்கும் உணவுப் பண்டம் ஒன்றின் பெயரை ஆங்கில எழுத்துக்களின் வரிசைப்படி பதிப்பு பெயராக வைக்கும் வித்தியாசமான வியாபார அணுகுமுறையை 3ஆவது பதிப்பிலிருந்து தொடங்கியது கூகுள். அல்பா பதிப்பு 1.0 (அப்பிள் பை) இந்த முதல் பதிப்பில்தான் பிளே ஸ்டோர் எனப்படும் விரும்பிய செயலிகளை போன்களில் பதிவிறக்கி பயன்படுத்தும் முறை அறிமுகமானது. 

அதற்கு முன்பு வந்த போன்களில் நிறுவனம் பதிந்து வைத்திருக்கும் செயலிகளை மட்டுமே பயன்படுத்த முடியும் என்ற நிலையிருந்தது. இப்பதிப்பு எச்.டி.சி. ட்ரீம் போனில் பயன்படுத்தப்பட்டது. பீட்டா பதிப்பு 1.1 (பனானா பிரெட்) இது அறிமுகமானபோது பல்வேறு மென்பொருள் பிரச்சினைகளின் காரணமாக வந்த சுவடே தெரியாமல் காணாமல் போனது. கப் கேக் 1.5 பனானா பிரெட் தோல்வியடைந்ததால் மேம்படுத்தப்பட்ட அடுத்தப் பதிப்பு கப் கேக் 1.5 என்ற பதிப்பை ஏப்ரல் 30, 2009 அன்று வெளியிட்டது. 

இதில் வீடியோ பதிவு செய்யும் வசதியை கூகுள் அறிமுகம் செய்தது. டோனட் 1.6 செப்ரெம்பர் திரைக் காட்சியில் கூடுதல் பிக்ஸெல் ரெசல்யூசன், மொபைல் டேட்டா பயன்பாட்டில் கூடுதல் திறன், வைபை இணைப்பு மற்றும் பல மேம்படுத்தல்களை இது கொண்டிருந்தது. செப்ரெம்பர் 15, 2009இல் வெளியிடப்பட்டது. எக்ளெர் 2.0/2.1 டோனட் வெளியாகி, ஒரு மாதத்தில் ஒக்ரோபர் 27, 2009இல் இது வெளியானது. 

இதன் மூலம் ஆண்ட்ராய்ட் சிஸ்டத்திற்கு பரவலான இடம் கிடைக்கத் தொடங்கியது. ஃப்ரையோ 2.2 இந்த பதிப்பு மே 20, 2010இல் வெளியானது. இதன் முக்கிய சிறப்பம்சமாக மெமரி கார்டில் அப்ளிகேஷன்களை நிறுவும் வசதி, யு.எஸ்.பி. போர்ட் மற்றும் ஒய்ஃபீ ஹாட் ஸ்பாட் சப்போர்ட் ஆகியவற்றைக் கூறலாம்.வேகமும் மேம்படுத்தப்பட்டிருந்தது. சாம்சங் கேலக்சி போன்களின் வரவால் நுகர்வோரை எளிதாக சென்றடையத் தொடங்கியது. 

ஜிஞ்சர் ப்ரெட் 2.3 டிசெம்பர் 6, 2010ல் வெளியான ஜிஞ்சர் ப்ரெட் சிஸ்டம், முழுமையும் திறன் மாற்றப்பட்ட அன்ரொய்ட் சிஸ்டமாக இருந்தது. அத்துடன் சாம்சங், சோனி, எச்.டீ.சி. போன்ற நிறுவனங்கள் இந்த பதிப்புடன் கூடிய ஸ்மார்ட் போன்களைக் களமிறக்கின. இன்றும் பல பயன்படுத்தப்படும் இயங்குதளமாக இது உள்ளது. 

ஹனி கோம்ப் 3.0 இது டேப்லட் கணினிகளுக்காக மாற்றியமைக்கப்பட்ட அன்ரொய்ட் இயங்குதளமாகும். இதன் ஹோலோ யூசர் இன்டர்பேஸ் சற்று மெருகூட்டப்பட்டு கிடைத்தது. ஆனால் இப்பதிப்பை மொபைல் போன்களில் பயன்படுத்த முடியாத நிலை இருந்தது. செயலிகளை வடிவமைப்பதிலும் பல சிக்கல்களை சந்தித்தது இப்பதிப்பு. இப்பதிப்பு, பெப்ரவரி 22, 2011ல் வெளியானது. ஐஸ்கிரீம் சாண்ட்விச் 4.0 ஒக்ரோபர் 11, 2011இல் வெளியான இந்த சிஸ்டம், டேப்லட் கணினி மற்றும் ஸ்மார்ட் போன்களுக்கு ஒருங்கிணைந்த பதிப்பாக உருவாக்கப்பட்டு வெளியிடப்பட்டது.

முகப்பு வடிவமைப்பு (Interface) முழுவதும் மாற்றியமைக்கப்பட்டது. பேசுவதைப் புரிந்துகொண்டு செயற்படும் வசதி, இரண்டு அன்ட்ராய்ட் போன்களுக்கிடையில் தகவல் பரிமாற்றம் செய்து கொள்ளும்(near field communication) வசதி, குரோம் பிரவுசர், ஃபேஸ் அன்லாக் போன்ற பல புதிய வசதிகள் அறிமுகப்படுத்தப்பட்டன. ஜெல்லி பீன் 4.1 ஜூலை 9, 2012இல் வெளியான இப்பதிப்பில் கூகுளின் பல்வேறு பயன்பாடுகள் சேர்க்கப்பட்டன. கூகுள் குறிப்பிட்ட சில வகை தகவல்களை, வகைப்படுத்தி தேடித் தரும் வசதி இதில்தான் அறிமுகமானது. 

செயல்பாட்டினை மெதுவாக்கிய சில சிறிய தவறுகளைச் சரி செய்தது. பிளே ஸ்டோர் அப்ளிகேஷன்களின் எண்ணிக்கையும் பல லட்சங்களாக உயர்ந்தது. கிட்கேட் 4.4 இப்பதிப்பு ஒக்ரோபர் 31, 2013இல் வெளியானது. இது இயங்குவதற்கு மொபைலில் குறைந்தபட்ச ரேம் அளவு 512 எம்.பியாக இருக்கவேண்டும் என்று வரைமுறை நிர்ணயம் செய்யப்பட்டது. ஸ்கிரீன் ரெக்கார்டிங், ஒயர்லெஸ் பிரிண்டிங் வசதி உள்ளிட்ட பல வசதிகளும், ஒய்ஃபி, மொபைல் டேட்டா செட்டிங்குகளில் மாற்றங்களையும் கொண்டு வந்தது. பல முந்தைய பிழைகள் சரி செய்யப்பட்டது. 

அன்ரொய்ட் இயங்கு தள வரிசையில் தற்போது 4.4.4 என்ற பதிப்பு பயன்பாட்டில் உள்ளது. அன்ரொய்ட்டின் அடுத்த பதிப்பின் முன்னோட்டமாக எல் என்ற அறிமுகப் பதிப்பு கூகுள் நெக்ஸஸ் போன்களில் வெளியாகியுள்ளது. இதன் முழுமையான பதிப்பு வருகிற நவம்பர் மாதம் 7ஆம் தேதி ஆண்ட்ராய்டின் 6வது பிறந்த நாள் சமயத்தில் வெளியிடப்படக்கூடும் என்று தெரிகிறது. 

சூரியகாந்திக்குள் கடிகாரத் தொழில்நுட்பம்

மலர்கள் அத்தனையுமே அழகானவைதான். சில மலர்கள் திரும்பிப்பார்த்து ரசிக்க வைக்கும். அவற்றில் ஒன்று சூரியகாந்தி. சூரியகாந்தி காலையில் உதயமாகும் சூரியனோடு மலர்ந்து சூரியன் மறையும் போது தானும் வாடி விடுவதை அனைவரும் கண்டும், கேட்டும் வருகிறோம். 

இதுவரை சூரியஒளி சூரியகாந்தி செடியில் மறைந்துள்ள ஒரு சக்தியை தூண்டி விடுவதால் பூ மலருகின்ற ஒரு அபூர்வமான செயல் நடப்பதாக நாம் இதுவரை நம்பி வந்தோம். ஆனால் இப்போது அறிவியலாளர்கள் வேறு தகவலைச் சொல்கிறார்கள். டேவிஸ் நகரில் உள்ள கலிபோர்னியா பல்கலைக்கழக தாவர அறிவியலாளர்கள் ஹாகோப் அடாமியன் மற்றும் ஹார்மர் ஆகியோர் இதுகுறித்து ஆய்வு செய்து ஒரு முடிவை அறிவித்துள்ளனர். 

சூரியகாந்தி செடிகள் ஒளிக்கு எதிர்வினை ஆற்றவில்லை. அவற்றினுள் இயற்கையால் பொதிந்து வைக்கப்பட்டுள்ள உயிரியல் கடிகாரத்தின் தூண்டுதலின்படி அவை செயல்படுகின்றன என்று நேச்சர் என்ற அறிவியல் இதழில் எழுதியுள்ளார்கள். இவர்கள் செய்த சோதனையில் சூரிய ஒளியில் வளர்க்கப்பட்ட சூரியகாந்தி செடிகள் நிரந்தரமாக வெளிச்சம் தரும் மின்விளக்கு பொருத்தப்பட்ட அறைக்கு மாற்றப்பட்டன. 

அவர்கள் வியக்கும் வகையில் சூரியன் உதித்து மறைவது போல் இவையும் இயல்பாக காலையில் பூத்து மாலையில் வாடின. பூக்களின் முகமும் எதுவும் நடவாதது போல் திசை மாறித் திரும்பின. இது பல நாட்களுக்கு நடந்தது. எனவே இவை ஒளியின் திசைக்கு மட்டும் எதிர்வினை ஆற்றவில்லை, மாறாக தங்களுடைய நேரக்காவலருக்கும் எதிர்வினையாற்றுகின்றன என்று இதழில் குறிப்பிட்டுள்ளனர். 

சூரியகாந்தியின் தண்டின் ஒரு பக்கம் மற்றொரு பக்கத்தை விட துரிதமாக வளரும் போது அது மறுபுறத்தில் வளைவதையும் கண்டுள்ளார்கள் உதாரணமாக தண்டு மேற்கு பக்கமாக அதிக வளர்ச்சி அடைந்தால், அது கிழக்கு பக்கமாக வளைகிறது. 

பேஸ்புக் பாவனையாளர்களே கவனம்: வருகிறது வைரஸ் வீடியோ

நவீன தொழில்நுட்ப சாதன வளர்ச்சி காரணமாக சமூக ஊடகமாக முகப்புத்தகமும் (பேஸ்புக்) துரிதமாக வளர்ச்சியடைந்துள்ளது. சிறுவர்கள் தொடக்கம் பெரியவர்கள் வரை தினமும் சிலமணி நேரங்களை முகப்புத்தகத்திற்கு என ஒதுக்குகின்றனர். 

இன்றைய உலகில் வேகமாக செய்திகள், தகவல்கள் பரவலடையும் ஊடகமாக பேஸ்புக் போன்ற சமூக வலைத்தளங்கள் உயர்வடைந்துள்ள நிலையில் அது தொடர்பாக அரசும் அதிக கவனம் செலுத்தி வருகிறது. இந்த நிலையில் முகப்புத்தகம் மீது அவ்வப் போது வைரஸ் தாக்கம் ஏற்படுகிறது. அந்த வகையில் தற்போது முகப் புத்தகத்தில் புது விதமான வைரஸ் தாக்கி வருகின்றது. இது விரைவாக பரவல் அடையக் கூடியதாகவும் உள்ளது. 

தற்போது பாவனையில் உள்ள அனைத்து முகப் புத்தகங்களுக்கும் ஒரு குறுஞ்செய்தி வருகின்றது அதை திறந்து பார்க்கும் போது, அவ் முகப்புத்தகத்தில் நண்பர்களாக இணைந்துள்ளவர்களில், யாராவது அந்த வேளையில் செயற்பாட்டில் (ஒன்லைன்) இருந்தால் அது உடனடியாக அவர்களுக்கும் செல்கின்றதை அவதானிக்க முடிகின்றது. 

இந்த வைரஸ் ஆனது குறுஞ் செய்தியாக வீடியோ வடிவில் முகப்புத்தகத்திற்கு வருகின்றது. எமது முகப்புத்தக படத்துடன் வரும் அந்த செய்தியில் 'I like funny Vedio. Please click and see the vedio' என வருகிறது. அவ்வாறு வரும் அந்த குறுஞ் செய்தியை திறந்து பார்க்கும் போது அது எமக்கும் அனைத்து நண்பர்களுக்கும் வைரஸ் ஆக செல்கிறது. அதன் பின் சிறிது நேரத்தில் முகப்புத்தகம் செயல் இழக்கிறது. 

அதன் பின் ரேன்ட் மக்றோ என்ற மென்பொருளை தரவிறக்கம் செய்து அதன் மூலமே ஸ்கான் செய்து அதனை நீக்கி மீண்டும் இயங்கு நிலைக்கு கொணடு வரமுடிகிறது. எனவே, முகப்புத்தக பாவனையாளர்கள் அவதானமாக இருக்கவும் வரும் குறுஞ்செய்தியை திறந்து பார்த்தவர்கள் முகப்புத்தகம் வைரஸ் தாக்கத்துக்கு உள்ளாக்கப்பட்டுள்ளது.

பூமி எவ்வாறு சூடாகிறது? புதிய கண்டுபிடிப்பு

நச்சுவாயுக்களால் அடிவளி மண்டலத்தில்(toposphere) நீராவியின் அளவு அதிகரித்து வருவதால் அடுத்த பத்தாண்டில் தட்ப வெப்ப நிலை மீது உருவாகும் தாக்கங்கள் தீவிரம் அடையும் என்று அறிவியலாளர்கள் கூறுகின்றனர். அடிவளி மண்டலத்தின் மேல் மட்டத்தில் மனிதர்களின் நடவடிக்கைகளால் நீராவியின் அளவு அதிகரித்துள்ளது என்பதை உறுதி செய்யும் முதல் ஆய்வு இதுதான் என்று மியாமி பல்கலைக்கழக காற்று மண்டல அறிவியல் பேராசிரியர் சோடென் கூறுகிறார். 

கடந்த முப்பது ஆண்டுகளில் மேல்மட்ட அடிவளி மண்டலத்தில் ஈரப்பதம் உருவாகும் போக்கிற்கான காரணத்தை ஆய்வு செய்வதற்கு சோடெனும் அவருடைய கூட்டாளிகளும் என்.ஓ.ஏ.ஏ செயற்கைக்கோள்கள் சேகரித்த அடிவளிமண்டலத்தில் உள்ள நீராவி அளவுகளைப் பயன்படுத்திக் கொண்டனர். இவர்கள் தட்பவெப்ப மாதிரி சோதனைகளைப் பயன்படுத்தி, இங்கு நீராவியின் அளவு அதிகரித்து வருவதை, எரிமலை, சூரிய மண்டலத்தில் உருவாகும் மாற்றங்களைக் கொண்டு விளக்க முடியாது என்றும் ஆனால் நச்சு வாயுக்கள் அதிகரித்து வருவதைக் கொண்டு விளக்க முடியும் என்று நிரூபித்தனர். 

காற்று மண்டலத்தில் உள்ள பூமியின் கதிர்வீச்சு வெப்பத்தைப் பயன்படுத்தி நச்சு வாயுக்கள் வெப்பத்தை அதிகரித்து வருகின்றன. இந்த சூட்டால் காற்றுமண்டலத்தில் உள்ள நீராவி கூடுவதும் அதிகரிக்கிறது. இந்தகாற்று மண்டலத்தில் நச்சுவாயுக்கள் மிகுதியாக உள்ளன. காற்றுமண்டலம் ஈரமாவதால் கூடுதல் கதிர்வீச்சு வெப்பம் உள்வாங்கப்படுகிறதுடன், வெப்பம் அதிகரிப்பதும் கூடுகிறது. இயற்கையில் கிடைக்கும் பொருட்களை எரிப்பதால் தட்பவெப்பம் சூடடைகிறது. அதனால் காற்றுமண்டலத்தில் உள்ள நீராவியின் அடர்த்தியும் அதிகரிக்கிறது. இது புவிவெப்பமயமாவதைத் தூண்டிவிடுகிறது.

பென்குயின்களின் மொழியை புரிந்துகொள்ளும் கருவி

இத்தாலிய ஆய்வாளர்கள் பென்குயின் பறவைகளின் மொழியை புரிந்துகொள்ளும் வழியை கண்டுபிடித்துள்ளனர். இது ஒரு முக்கியமான திருப்புமுனையாகும். இத்தாலியின் டூரின் நகரில் உள்ள ஸூம் வனவிலங்கு காப்பகத்தில் 48 ஆபிரிக்க பென்குயின்கள் சிறைச் சமூகமாக இங்கு வைக்கப்பட்டுள்ளன. 

அவற்றின் ஒலிகளும், நடமாட்டமும் ஒலி மற்றும் ஒளிப்பதிவுக் கருவிகளில் பதிவு செய்யப்பட்டன. இவற்றை ஆய்வாளர்கள் சேகரித்து, பல்வேறு இனங்களில் பிரித்து பகுத்தாய்வு நடத்தினர். பதிவு செய்யப்பட்டவை பல நூறு ஒலிகளில் பதிவாகியுள்ளன. இவை அனைத்தும் நான்கு வகை குரலொலிகளின் கீழ் வருகின்றன. 

ஒன்று தொடர்பு அழைப்பு. இது தனிமையில் இருக்கும் பறவை விடுக்கும் அழைப்பு அல்லது அபயக்குரல் ஆகும். இரண்டாவது தாக்கப்படுவதைத் தெரிவிக்கும் வேதனைக்குரல். மூன்றாவது இணைசேரும் காலங்களில் ஒற்றைப் பறவைகள் தன்னுடைய இணையைத் தேடி விடுக்கும் காதல் பாடல் அல்லது அழைப்பு ஆகும். நான்காவது கூடுகளில் இருக்கும் இணைகள் தங்களுடைய ஆனந்தத்தை வெளிப்படுத்தும் பாடல் ஆகும். ஆபிரிக்க பென்குயின்கள் சமூகத்துடன் மட்டுமல்லாது அறிந்தவர்களிடமும் நெருங்கிப் பழகக்கூடியவை என்பதுடன் இவை கூச்சலிடும் வழக்கம் கொண்டவையாகும். 

ஆபிரிக்க பென்குயின்களின் ஒலி எழுப்பும் வகைகளின் விளக்கங்கள் அனைத்தும் மேலே கூறிய நான்கு வகைக்குள் அடங்கி நிற்கின்றன என்று ஆய்வாளர்கள் கூறுகின்றனர். அவற்றின் குரல் லயமிக்க தெளிவான கட்டமைப்புக் கொண்டதாக இருக்கிறது. அவை குரல் எழுப்பும் போது அவற்றின் அலகு பாதி திறந்தபடி இருக்கும் என்றும் அவை நின்றபடி தங்களுடைய கழுத்தை எவ்வளவு முடியுமோ அந்த அளவுக்கு உயர்த்திக் குரல் கொடுக்கின்றன. 

பாலூட்டிகளின் ஒலி நாளங்களை விட இவற்றின் ஒலி நாளங்கள் வேறுபட்டுள்ளன என்றும் ஆய்வாளர்கள் கூறுகின்றனர். 

பாடம் கற்றுக்கொண்டதால் உருவான தொழில்நுட்பம்

புதிய இடங்களில் நாம் தேடிவரும் ஒரு குறிப்பிட்ட இடத்தைப் பற்றி அங்குள்ள யாரிடமாவது கேட்போம். சரியாக வழிகாட்டுவோர் உண்டு. எதையாவது சொல்லி நம்மை அலைக்கழிப்பவர்கள் உண்டு. 

தெரியாது என்று முகத்திலடித்தாற்போல் கூறிவிட்டு வேகமாக நடையைக் கட்டுவோரும் உண்டு. இந்த வம்பே வேண்டாம் என்று புதிய இடத்தில் வழி கண்டுபிடிக்க ஸ்மார்ட்போன் காட்டும் வரைபடத்தைத் தற்போது பலர் பயன்படுத்தத் தொடங்கியுள்ளனர். இதைச் சாதித்திருப்பது செயற்கைக்கோள் மூலம் இடத்தைக் கண்டுபிடிக்க உதவும் அமெரிக்கத் தயாரிப்பான ஜி.பி.எஸ் (Global Positioning System) எனும் கருவியே. போர்க்காலங்களில் குண்டுகளையும் ஏவுகணைகளையும் ஒரு குறிப்பிட்ட இலக்கின் மீது வீசித் தாக்க இந்த ஜி.பி.எஸ் கருவி மிக அவசியம். 

ஆனால் அந்நிய நாட்டின் கட்டுப்பாட்டில் இயங்கும் இந்தக் கருவியை நம்பி நாம் போரில் இறங்குவது ஆபத்தானது. நெருக்கடியான நேரங்களில் அந்த நாடு ஜி.பி.எஸ். கருவியை செயற்படாமல் ஆக்கிவிட்டால் நம் பாடு திண்டாட்டம் ஆகிவிடும். இது கற்பனை அல்ல. 1999ஆம் ஆண்டு பாகிஸ்தான் துருப்புக்கள் கார்கில் பகுதியில் ஊடுருவியபோது, அமெரிக்க அரசு நிர்வகிக்கும் நமது ஜி.பி.எஸ் கருவியின் புள்ளிவிவரங்களை இந்தியா கோரியது. 

ஆனால் அமெரிக்க அரசு அந்த விவரங்களைத் தர மறுத்துவிட்டது. இந்த கார்கில் அனுபவம் இந்தியாவுக்கு ஒரு பாடமாக அமைந்து விட்டது. இதனால் முழுவதும் சொந்தமான, உள்நாட்டு தொழில்நுட்பத்தை மட்டுமே நம்பி உருவாக்கப்படும் ஜி.பி.எஸ் கருவியை உருவாக்கியே தீரவேண்டிய அவசியத்தை இந்தியர்கள் உணர்ந்தனர். இதற்காகவே Indian Regional Navigation Satellite System (IRNSS) என்ற ஓர் அமைப்பை இந்திய விண்வெளி அமைப்பு உருவாக்கியிருக்கிறது. 

அது மொத்தம் ஏழு செயற்கைக்கோள்கள் கொண்டதோர் அமைப்பு. அவை ஏழுமே பூமி தன்னைத்தானே சுற்றிக்கொள்ளும் அதே வேகத்துடன் (geosynchronous orbits) சுற்றும் ஜியோசின்க்ரனஸ் கோள்களாக இருக்கும். இன்னும் இரண்டு ஆண்டுகளில் இந்த அமைப்பை முழுமையாக நிறுவிய பிறகு நெருக்கடியான நேரங்களில் அந்நிய நிர்ப்பந்தத்திற்கு ஆளாக வேண்டிய அவலநிலையிலிருந்து விடுபட்டு விடும் நாடாக தற்போது இந்தியா மாறிவிட்டது. 

தனது நாட்டின் எல்லைகளை மட்டுமல்ல, அவற்றைத் தாண்டி 1500 கி.மீ. வரை உள்ள பகுதிகளைக்கூட இந்தியா அதன் மூலம் கண்காணிப்பிற்கு உட்படுத்த முடியும். பல்வேறு கோணங்களிலிருந்து இந்தியத் துணைக்கண்டத்தை 'நோக்கும்' பணியை இந்த செயற்கைக் கோள்கள் செய்யும். அதன் முதல் செயற்கைக் கோளான IRNSS-1A 2003 ஜூலையில் அனுப்பி வைத்தது இந்தியா. இரண்டாவது செயற்கைக்கோள் IRNSS-1B 2014 ஏப்ரல் 4 அன்று அனுப்பப்பட்டது. 

2014 இல் மேலும் இரண்டு செயற்கைக் கோள்களான IRNSS-1C, IRNSS-1D செலுத்தப்பட உள்ளன. 2015ஆம் ஆண்டு தொடக்கத்தில் மூன்று செயற்கைக்கோள்கள் அனுப்பப்படும் எனத் தெரிகிறது. இதுபற்றி இந்திய விண்வெளி ஆய்மைய(இஸ்ரோ) தலைவர் கே. ராதாகிருஷ்ணன் கூற்றுப்படி, IRNSS அமைப்பு 2016 தொடக்கத்தில் செயல்படத் தயாராகி விடும். இரண்டு விதமான சேவைகளை அது தர இருக்கிறது. 

20 மீற்றர் வரை கண்காணிக்கவல்ல பொதுமக்களுக்கான ஒரு வடிவத்துடனும் ராணுவப் பயன்பாட்டிற்கான 10 மீற்றர் வரை கண்காணிக்கவல்ல மற்றொரு வடிவத்துடனும் அது அமைக்கப்படும். அருகே உள்ள பொருட்களையோ, நெருங்கிவரும் ஆபத்தையோ கண்டுபிடிப்பதற்கு மட்டுமல்ல, நேர மேலாண்மை, பேரிடர் தடுப்பு, கப்பல், விமானம் போன்ற போக்குவரத்து சாதனங்களை நிர்வகிப்பது, வரைபடங்களை உருவாக்குவது போன்ற பல்வேறு பணிகளுக்கு IRNSS அமைப்பைப் பயன்படுத்த முடியும். 

அமெரிக்கா, ரஷ்யா, ஐரோப்பா, சீனா, ஜப்பான் ஆகிய நாடுகளுக்குப் பிறகு இந்த அமைப்பைக் கையாளக் கூடிய ஆறாவது நாடாக இந்தியா இருக்கும் என்பதில் நிச்சயம் பெருமிதம் அடையலாம். 

உங்கள் கணினி மெதுவாக இயங்கக் காரணம் என்ன

புதிதாக வாங்கி ஒரு மாதம் கூட ஆகவில்லை, கணினி மெதுவாக இயங்குகிறது என்று சிலர் புகார் கூறுவார்கள். வேறுசிலர் இதுவரை நன்றாகத்தான் இருந்தது. ஒரு வாரமாக Desktop தோன்றவே வெகுநேரம் ஆகிறது என்று குற்றம் சொல்வார்கள். 

இந்தப் பிரச்சினைகளுக்கு அடிப்படைக் காரணம் கணினியாகவும் இருக்கலாம் அல்லது அதனைப் பயன்படுத்தும் நாமாகவும் இருக்கலாம். எதுவாயினும் கணினியின் அடிப்படைக் கட்டமைப்பிலிருந்து பிரச்சினையை அணுகுவதே தீர்வைத் தரும். கணினி மெதுவாக இயங்குவதற்கு அடிப்படைக் காரணங்கள் சில: நினைவகப் பற்றாக்குறை கணினியின் மெமரி அளவு அதாவது புரோகிராம் ஃபைல்கள் பதியப்படும் டிரைவில் (பொதுவாக 'சி' டிரைவ்) காலி இடம் எவ்வளவு இருக்கிறது என்று பார்க்கவேண்டும். 

சாதாரண பயன்பாட்டிற்கு வைத்திருப்பவர்களுக்கு குறைந்தது 2 ஜிபி அளவு காலியான நினைவகம் தேவைப்படும். கிராபிக் வேலைகள் அதாவது போட்டோ எடிட்டிங் மற்றும் வீடியோ எடிட்டிங் சார்ந்த பணிகளைச் செய்பவர்களுக்கு 10 ஜிபி அளவாவது தேவை. நினைவக அளவு குறையும்போது கணினியின் செயல்பாட்டு வேகமும் குறையும். அதேபோல தற்காலிக நினைவகத்தில் ஏதேனும் பிரச்சினை இருந்தாலும் கணினி மெதுவாக இயங்கும். 

தேவையற்ற மென்பொருள்கள் கடையில் புதிதாக வரும் பொருட்களை வாங்க ஆசைப்படுவதுபோல இணையத்தில் கவர்ந்திழுக்கும் விளம்பரங்களைப் பார்த்து தேவையற்ற புரோகிராம்களை நிறுவுவதன் காரணமாகவும் கணினிகள் மெதுவாக இயங்கக்கூடும். எனவே, முதலில் அத்தகைய புரோகிராம்கள் ஏதேனும் சமீபத்தில் பதிந்தீர்களா என்பதைப் பார்த்து அதனை கணினியிலிருந்து நீக்கவும். 

மால்வேர் வைரஸ்கள் மேற்கண்ட வகை புரோகிராம்களுடனோ அல்லது வேறு பதிவிறக்கம் செய்யப்பட்ட கோப்புகளுடனோ இணைந்து மால்வேர் வகை வைரஸ்கள் உங்கள் கணினியில் நுழைந்திருக்கலாம். எனவே, இவற்றை கண்டறிந்து நீக்க நல்ல வைரஸ் எதிர்ப்பு மென்பொருளை கணினியில் நிறுவிக் கொள்வது அவசியமாகும். வாரம் ஒருமுறை முழுக் கணினியையும் ஸ்கேன் செய்து சரியாக இருக்கிறதா என்று பார்த்துக் கொள்வது நல்லது.

உங்கள் கணினியில் ஸ்பைவேர் இருக்கிறது, இத்தனை வைரஸ்கள் உங்கள் கணினியில் உள்ளது. நீக்க எங்கள் மென்பொருளைப் பயன்படுத்துங்கள் என்று பயமுறுத்தும் விளம்பரங்களைக் கிளிக் செய்து பதிவிறக்கி விடவேண்டாம். அவையே பல தொல்லைகளைத் தரக்கூடிய வைரஸ்களாக இருக்கலாம் எனவே கவனமாக இருக்கவும். கிராபிக் கார்ட் / வீடியோ கார்டில் குறைபாடு கணினியில் உள்ள கிராபிக் அல்லது வீடியோ கார்ட் திறன் மிக்கதாக உள்ளதா என்பதைப் பரிசோதிக்கவும். உங்கள் தேவைக்கேற்ற விதத்தில் அதன் செயல்பாடு இல்லையென்றால் உடனடியாக அதனை மேம்படுத்திட வேண்டும். 

வீடியோ கேம்கள் மற்றும் கிராபிக்ஸ் மென்பொருள்களைப் பயன்படுத்துவோருக்கே இந்தப் பிரச்சினை அதிகமாக ஏற்படும். குப்பைகளை நீக்கவும் புரோகிராம்களின் பயன்பாட்டினால் உருவாகும் தற்காலிக கோப்புகள் அதிகமான இடத்தைப் பிடித்திருந்தாலும், அழித்த கோப்புகள் ரீசைக்கிள்பின் போல்டரில் நிறைந்து வழிவதாலும் கணினி மெதுவாக இயங்கும். 

சரியான கிளீனர் புரோகிராமினைப் பயன்படுத்தி இவற்றை எளிதாக நீக்கலாம். ரெஜிட்ரி குறைபாடுகள் புதிய புரோகிராம் ஒன்றை பதிந்து அது சரிவர இயங்காமல் போயிருக்கலாம் அல்லது செயல்பாட்டிலிருந்த புரோகிராம் ஒன்றை ஏதேனும் காரணத்தால் நீங்கள் நீக்கியிருக்கலாம் எதுவாக இருந்தாலும் கணினியின் ரெஜிஸ்ட்ரி பகுதியில் பதியப்படும் விவரத்தில் பிழை ஏற்பட்டிருந்தால் கணினி மெதுவாக இயங்கும். இதனை சரி செய்ய ரெஜிட்ரியை நேரடியாக திறந்து நாமே சரி செய்யப் புகுவது சரியானதல்ல. 

ரெஜிஸ்ட்ரியை சரிசெய்யவும் சில புரோகிராம்கள் கிடைக்கின்றன. அவற்றைப் பயன்படுத்தி சரி செய்யுங்கள். குப்பைகளை அழிக்கவும், ரெஜிஸ்ட்ரியை சரி செய்யவும் சி கிளீனர் மென்பொருள் பயன்படுத்தலாம். ஹார்ட் டிரைவில் பிரச்சினை அடிக்கடி ஏற்படும் மின் தடங்கல் முறையான கணினி இயக்கம் இல்லாமை ஆகியவை ஹார்ட் டிஸ்க் இயக்கத்தை முடக்கிவிடும். ஹார்ட் டிஸ்க் வேகத்தில் ஏற்படும் தடை மொத்தக் கணினியின் இயக்கத்திற்கும் தடையாக அமையும். எனவே, ஹார்ட் டிஸ்க் வேகம் என்ன, நம் பயன்பாட்டிற்குரிய வேகம் உள்ளதா, ஏதேனும் கோளாறு உள்ளதா என்பதை ஆராய்ந்து பார்க்கவேண்டும். 

காற்றோட்டம் இல்லாமை கணினியை வெப்பமான பகுதியில் வைப்பதோ அல்லது காற்றோட்டமில்லாத இடத்தில் வைப்பதோ பிரச்சினையை ஏற்படுத்தும். சி.பி.யு. எனப்படும் கணினியின் ஒருங்கிணைந்த பகுதியில் அமைந்துள்ள பிரவுசர், மதர்போர்ட், ஆகியவற்றிற்கு காற்றோட்டம் சீராக செல்லவேண்டும். இதற்காகவே இரண்டு அல்லது மூன்று விசிறிகள் அதில் மாட்டப்பட்டிருக்கும். தூசிகளின் காரணமாகவோ புழுதின் காரணமாகவோ இந்த விசிறிகளின் இயக்கத்தில் குறைபாடுகள் ஏற்பட்டால் கணினி வெப்பம் அதிகரித்து இயக்கத்தில் தொய்வு ஏற்படும் அல்லது முற்றிலும் இயங்காமலும் போகலாம். 

அனைவரும் கணினிக்கு குளிர்சாதன வசதி ஏற்படுத்த முடியாவிட்டாலும் நல்ல காற்றோட்டமுள்ள இடத்தில் கணினியை வைத்து சரியாகப் பராமரித்துப் பயன்படுத்தினாலே வேகமான இயக்கத்தைப் பயன்படுத்தலாம். 

செவ்வாயின் புகைப்படக் கலைஞன்

நாசா அனுப்பிய கியூரியாசிட்டி விண்கலம் அனுப்பிய புகைப்படங்களில் செவ்வாய் கிரகத்தில் அந்நிய விண்கற்கள் கிடப்பதை அறிவியலாளர்கள் கண்டுள்ளனர். இவை இரும்பாலான விண்கற்கள் என்பதும் தெரியவந்துள்ளது. 

இவை பல லட்சம் ஆண்டுகளுக்கு முன்பு செவ்வாய் கிரகத்தில் விழுந்துநொறுங்கிய விண்கற்களைச் சேர்ந்ததாக இருக்கும் என்று கருதப்படுகிறது. இந்த புகைப்படங்களை நாசா செவ்வாய்க்கிழமை அன்று வெளியிட்டது. இவை லெபனான் தேசத்தின் வரைபடம் போல் தோற்றமளிப்பதால் ஆறடி அகலமுடைய பெரியபொருளுக்கு லெபனான் என்றும், சிறிய பொருளுக்கு லெபனான் பி என்றும் அவர்கள் பெயர் சூட்டியுள்ளனர். 

இந்த ஆச்சரியம் ஒருபுறம் இருக்க செவ்வாயில் விழுந்து கிடப்பது முழுமையான இரும்பு விண்கற்கள் என்பதைக் கண்டறிய துல்லியமாக உதவிய புகைப்படத் தொழில்நுட்பம் செயல்படும் விதத்தை தெரிந்து கொண்டால் ஆச்சரியப்படுவீர்கள். 2005ம் ஆண்டில் ஆப்பர்சூனிட்டி என்ற ரோந்து விண்கலம் கண்டு பிடித்த விண்கற்களையொத்து உள்ளன. 

இவை கெம்கேம் என்ற தொலைதூர நுண்பிம்பக் கருவியால் படம் பிடிக்கப்பட்டுள்ளது. கெம்கேமில் இருந்து அனுப்பப்படும் லேசர் கதிர்கள் கற்களில் உள்ள எலக்ட்ரான்களை உசுப்பி விடுகின்றன. இதனால் அந்த எலெக்ட்ரான்கள் ஒளியை உமிழுகின்றன. இந்த ஒலியை கெம்கேமில் உள்ள தொலைநோக்கி சேகரித்து கண்ணாடி இழையாக ரோந்து கப்பலில் பொருத்தப்பட்டுள்ள ஸ்பெக்ட்ரோ மீட்டருக்கு அனுப்புகிறது. இந்த ஸ்பெக்ட்ரோமீட்டர் அந்த ஒளியை பகுத்தாய்ந்து அந்தக் கற்களில் உள்ள அணுக்களின் வகைகளை அடையாளம் காண்கிறது. 

பூமியில் காணப்படும் விண்கற்களில் இரும்பு விண்கற்கள் அரிது என்று கூற முடியாது. ஆனாலும் அவை சாதாரண கற்களால் ஆன விண்கற்கள் போல் ஏராளமாக காணப்படுவதுமில்லை. ஆனால் செவ்வாயில் காணப்படும் விண்கற்களில் இரும்பு விண்கற்கள் அதிகமாக காணப்படுகின்றன என்பதை உறுதிசெய்துகொள்ள கெம்கேம் என்ற தொலைதூர நுண்பிம்பக் கருவியால் சாத்தியமாகியிருக்கிறது. செவ்வாயின் புகைப்படக் கலைஞன் ஓர் அறிவியல் ஆச்சரியமல்லவா? 

பாதாள உலகில் விண்வெளிப் பயிற்சி

விண்வெளி போன்ற தோற்றமுடைய பாதாளக்குகைகளில் விண்வெளி வீரர்களுக்கு பயிற்சி முகாம்களை இவ்வாண்டு கோடைக்காலத்தில் நடத்துவதற்கு ஐரோப்பிய விண்வெளி முகாமை திட்டமிட்டுள்ளது. இதற்காக சார்டினியாவில் உள்ள பாதாளக் குகைகளை இது தேர்வு செய்துள்ளது. 

இதற்கென ஐந்து விண்வெளி வீரர்கள் தெரிவுசெய்யப்பட்டுள்ளனர். இவர்கள் ஒரு வார காலத்துக்கு இந்த பாதாளக் குகைகளில் தங்கியிருப்பார்கள். சர்வதேச விண்வெளி நிலையத்தில் செயற்படுவது போல் இவர்கள் நேரக் கட்டுப்பாடு, நடவடிக்கைகள், சாதனங்கள் கையாளுதல், தகவல் தொடர்பு நடைமுறைகளை இவர்கள் பின்பற்றுவார்கள். குகைகளில் நடப்பது ஒரு முற்றிய ஆய்வாகும் என்று குகைகள் முற்றாய்வு பயிற்சியாளர் பிரான்சிஸ்கோ சாரோ கூறுகிறார். 

கடந்த ஆண்டில் நடந்ததை விட இவ்வாண்டு பயிற்சி கடினமாக இருக்கும். ஏனெனில், இவ்வாண்டில் கீழ் முகாமில் இருந்து ஆய்வாளர்கள் சற்று மேலும் ஆழமாகச் செல்வார்கள் என்றும் அவர் கூறினார். பயிற்சி விண்வெளி வீரர்கள் முதல் முறையாக அடித்தள முகாமில் இருந்து மேலும் ஐந்து கிலோ மீட்டர் ஆழமாகச் சென்று முதல் எல்லைச்சாவடியை அமைப்பார்கள். இவர்களுக்கு முன்பு முகாம்களில் தங்கியிருந்தவர்கள் உருவாக்கிய வரைபடங்களையும், திசை வழியையும் பயன்படுத்துவார்கள். 

இவர்கள் தாங்கள் செல்லும் வழியில் உள்ள கரியமில வாயுவின் குணாம்சங்களை அளப்பதுடன், தாங்கள் சந்திக்கும் உயிரினங்களின் நுண்ணுயிர் மாதிரிகளையும் சேகரிப்பார்கள். இந்த அனுபவம் விண்வெளியில் கிடைக்காது. இவர்கள் சர்வதேச விண்வெளி நிலையத்தில் பயன்படுத்தப்படும் புதிய சாதனங்களையும், தொழில்நுட்பத்தையும் பயன்படுத்துவார்கள்.

வானில் பறக்கும் ஆய்வுக் கூடம்

விண்ணில் பறந்து கொண்டே விண்வெளியை ஆய்வு செய்யும் கூடம் ஒன்றை அமெரிக்காவின் விண்வெளி ஆய்வு அமைப்பான நாசா உருவாக்கியுள்ளது. ஒரு போயிங் ஜெட் விமானத்தில் 17தொன் எடையுள்ள தொலைநோக்கியை பொருத்தியுள்ளதுடன், அதை ஓர் ஆய்வுக்கூடமாக மாற்றி அமைத்துள்ளது. 

அந்த ஆய்வுமையத்துக்கு சோபியா ஆய்வுமையம் என்று பெயரிட்டுள்ளார்கள். போயிங் ஜெட் விமானம் இதற்கென்றே வெகுவாக மாற்றி அமைக்கப்பட்டுள்ளது. இதில் 17 தொன் எடையும், எட்டு அடி நீளமும் உடைய தொலைநோக்கி பொருத்தப்பட்டுள்ளது. ஒரு நகரும் கதவுக்கு பின்புறம் அமைக்கப்பட்டுள்ள 16x23 அடிகொண்ட மேடையின் மீது ஏற்றியுள்ளார்கள்.

 ஜன்னல் போன்ற தோற்றமுடைய பகுதி வழியாக இன்பிராரெட் கதிர்கள் மூலம் விண்வெளியை ஆராய்ச்சியாளர்கள் ஆய்வு செய்வார்கள். பூமியில் உள்ள விண்வெளி ஆய்வுமையங்களை விட விண்வெளி ஆய்வுமையத்தில் காட்சி நிலை தெளிவாக இருக்கும். இந்த விமானம் வான்வெளியின் விளிம்பின் அருகே பறக்கும் திறனுடையது என்பதால் இது சாத்தியமாகிறது. இந்த விமானம் சுமார் பன்னிரண்டு மணி நேரத்துக்கு விண்ணில் சஞ்சரிக்கக் கூடியது. மேலும் இது 6625 நோட்டிக்கல் மைல் பறக்கக்கூடியது. ட்ராபோஸ்பியர் என்று கூறப்படும் ஈரப்பதம் மிகுந்த பகுதியைத் தாண்டி பறக்கக்கூடியது என்பதால், பார்வை இன்னும் தெளிவாக இருக்கும். 

இந்த போயிங் 747 சிறப்பு செயல்பாடு விமானத்தை அமெரிக்க பன்னாட்டு நிறுவனம் 1970ஆம் ஆண்டுகளில் மற்ற 747 விமானங்களை விட வேகமாகவும், உயரமாகவும், மற்ற விமானங்களை விட கூடுதலான தூரத்துக்கும் பறக்கும் வகையில் உருவாக்கியது. இதை நாசா பறக்கும் விண்ணியல் ஆய்வுக்கூடத்துக்கு பயன்படுத்திக் கொண்டுள்ளது.